壹玖捌叁

Open Now

Now Closed

跑馬地雖然有好多西餐，但係今日係為咗呢間中式餐館而黎，門口係模仿古舊嘅中式設計，有兩塊木對聯係兩邊，跟住要行上樓梯，先可以去到餐廳我地得兩個人，所以就揀咗二人餐，因為睇落都唔少野食，就咁睇可能唔知啲食物係咩樣，員工超細心咁遞上iPad俾我地，可以睇到各款菜式嘅樣，好細心啊!!首先黎嘅係涼拌牛蒡蟲草花咖啡溏心蛋，我地每人各有一份，唔洗驚唔夠分。前者酸酸嘅醋味較濃，我個人幾鍾意，因為好開胃口，而切絲嘅牛蒡同蟲草花嘅口感好爽口，真係唔錯。隔離嘅咖啡溏心蛋，可以聞到咖啡香之餘，同時可以聞到有陣陣嘅煙薰味，食落咖啡味重，幾特別下一道菜就係菊花豆腐燉花膠，唔識嘅人就咁睇個名會以為係用埋菊花一齊燉，其實係考廚師師嘅刀功，要將軟滑又易爛嘅豆腐切成條狀，但係又唔可以切到底，如果唔係菊花就成唔到形，為咗令菊花盛放，餐廳用另外一隻碟載住一大舊花膠，個湯好清甜，加上滑溜嘅豆腐，真係好味啊，再者咬一大口嘅花膠，黏黏嘅口感，令人覺得滿滿嘅骨膠原，真係好滋補啊!!主菜可以揀三款，我地分別揀咗黑蒜白玉蒸龍躉球、蜜汁香欖骨同一口鮑魚豆腐:先上嘅係黑蒜白玉蒸龍躉球，賣相都幾精緻，不過就唔係球喇，而係微厚身嘅龍躉片，質感好