Wow! Burger (Closed)

今日重陽節難得有日假放，唔想喺樓下解決午飯。初頭諗住同老婆去東大街試下安利，點知條人龍長到唔知乜咁，老婆話唔係咁想等，所以走圍睇下有乜好食。行開呢間漢堡包舖咁生面口，決定試下正唔正。入到裡面睇倒個裝修都算係幾美食漢堡店FEEL，感覺都算幾潮。睇番舖頭單張，原來佢地呢間己經係第4間分店，可能係平時冇留意倒卦。該店暫時供應7款包，可分單買或者套餐。所謂0既套餐係指包+汽水。當然佢地亦都有薯條供應，跟餐另加7蚊(散叫12蚊)。所以如果慣左食老麥0既包+汽水+薯條咁0既餐0既話大概就係30出頭。不過需要留意0既係佢地汽水個SIZE 有一個老麥大汽水咁大，所以飲唔倒咁多0既話我就建議2個人SHARE 一杯喇。由於係第1次試，都係穩陣D好，所以就試左個比較普通0既芝士牛肉漢堡，老婆就叫左牛肉漢堡，另兩人SHARE 一個焗薯皮，飲品就要熱菊花檸蜜 (就係見倒隔離客人要汽水勁大杯)。個包個SIZE 比一般老麥或BURGER KING 細少少，若莫同MOS BURGER 0既差唔多。個包個周圍係有少少烤過，咁樣可以令個包更加有咬口，但係佢又唔會整得太燶，呢方面確實唔錯。牛肉漢堡配以生菜、蕃茄以及沙律醬。