ME TIME CAFE (Closed)

前往Megabox 途中經過依間外觀不顯眼的cafe，見多人排隊先至發現。門外餐單吸引所以就試下，價錢相當經濟，食物質素有驚喜，CP值相當高。 餐湯忌廉湯味道正正常常。北海道黑咖哩吉列豬扒配珍珠飯 $60原塊吉列豬扒大大塊炸到脆卜卜，豬扒外脆肉嫩，日式黑咖喱汁甜美，飯粒粒分明口感煙韌，仲有沙律菜伴碟誠意可嘉。 宇治抹茶紅荳奶蓋 +$10抹茶配紅荳味道無得輸，奶味較濃，淡淡抹茶香，紅荳大粒甜美，飲落幾滿足。 花生醬厚切西多士 $30多士厚身，大大塊牛油放在西多上邪惡至極，好彩有沙律菜減輕罪惡感。西多炸得無燶邊，入面唔乾身，中間夾住厚厚粗粒花生醬，落埋糖漿食更美味。