ME TIME CAFE (Closed)

之前食過，見咁耐冇幫襯過，就決定午餐黎食。餐牌冇乜點變過，之前的慢煮雞髀等到依家都未有返，唯有轉揀雞扒餐。今次星期六，人流唔算多，所以侍應態度都唔錯，而且上餐速度算快。沙律份量唔錯，菜新鮮冇變，而且係配芝麻醬，正😍😍，但芝麻醬略略偏鹹，建議可轉少醬。雞扒面咁大塊，夠滑冇雪味，亦唔鹹，唔錯唔錯👍！！而飯就屬珍珠米，粒粒分明，唔算軟身，加左少少飯素，更開胃。呢個價錢，係九龍灣黎講算超值，如果係港島或觀塘區，應該要過百。而且假期黎唔洗等位，幾好。

不知所謂既餐廳，平時返工經過成日勁多人食唔到，終於有機會星期六下午同老公去試，入到去有一張未執既卡位，侍應就帶我地入去又迫又嘈既area ，迫到根本攝唔到入去，仲要有個男人勁大聲講電話，咁我地就話想坐個張卡位，應侍話無問題，但一陣人多要搭檯，其實都ok 既，點知我地一坐低，就有一對情侶兩個人，個女侍應就串串貢咁話要搭檯，我即刻心入面xyzxzyxzzxxy，阿姐，無位就話搭即，入面明明有位，點解係要搭落黎？我同老公即刻示意走，明顯唔妥我地要換檯，肆住自己好生意唔憂做，等執啦你

今日去了Metime cafe，享受一下下午茶的me time😀下午茶款式甚多，有接近20款套餐，輕食的有厚多士、西多士、牛角包、三文治等，飽肚有白酒忌廉雞肉寬條麵、煙三文魚粟米粒炒飯和各種味道的拉麵和烏冬等，價錢相宜，差不多全部低於$50西西里茄汁牛肉扁意粉（$44）雖然這間只是小店，但這個意粉很精緻，一上枱時望落以為是大餐廳的食品，意粉好味，但滲在特別的西西里茄汁中，很開胃，茄汁調得很好，不會過於濃味鷄扒丼（$44）雞扒也不錯，配以少少蔬菜👍🏻👍🏻

態度極差，要服務態度建議唔好試今日1200左右，去到餐廳諗住飲杯嘢。因為自己帶咗飯。4個人入到餐廳，首先order4杯嘢我講咗4次。之後係上咗2杯嘢時間，服務員過嚟問多次我地係咪齋飲嘢，我答係嘅時間。我估唔到佢講咗一句：咁好難搞😱我估唔到一間coffee shop居然唔俾人齋叫嘢飲。我好明白繁忙時間想賺多啲錢，其實建議鋪頭係門口寫明：繁忙時間謝絕齋飲😡😡😡

在寫食評前，要告訴大家為甚麼我說在COVID-19 唔會再嚟，因為我在食個下午茶的大半小時內，見到廚房內的兩位廚師大部份時間沒有帶好口罩，不是掛在單一隻耳朵上，就是把口罩帶在下巴。如這兩位廚師今天不幸中招，又返咗工，我也不能倖免，亦必然會是一個爆發群組！平日食晏時經過這 Cafe 總是好多人，所以一直沒有幫襯過，今天咁啱在九龍灣有一個鐘的時間，便來食個下午茶，入到來本來的感覺好好，環境也不錯，見服務員勤力地為所有餐牌消毒👍👍但後來見到廚師飲水後一直把口罩掛在一隻耳，再望一段時間發覺另一廚師把口罩帶在下巴下面，最後為那位把口罩掛在一隻耳的廚師拍了張沙龍 😡😡至於食物方便，叫了美國安格斯牛肉漢堡配薯條 + 齋咖，60 蚊一份下午茶無驚喜！杯咖啡在餐牌寫是即磨咖啡，唔香，飲落有啲似普通茶記嘅質素薯條唔脆口，不過都無話脆炸薯條！普通囉美國安格斯牛肉漢堡，一般一般啦。以食物而言，我唔會想下次 encode.加埋廚師帶口罩的情況 (犯了599I章)，暫時唔嚟了😔😔

離晒譜！淨係等位都等咗45分鐘，食物又要等成個鐘先有，摧咗幾次，每次都話跟進緊，隔籬枱遲嚟，都仲快過我哋有得食😡同佢講取消，因為已經唔夠時間食喇，趕住返工。但係又唔肯取消😡一向食物都出得好慢，根本掛住做外賣都應付唔到堂食嘅需要。安排極度差！🤬午飯時間根本應付唔到堂食和外賣，冇咁大個頭就唔好戴咁大頂帽啦仲發覺成間餐廳啲侍應講唔好意思仲多過講其他嘢，就證明佢哋有幾多嘢做得唔好而成日要同食客道歉。

白湯係有火腿粒，無好多粉熱嘅！！黑椒係喺枱上，有即磨樽，磨得好大粒！餐飲熱咖啡生酮餐，牛扒另一相撲牛扒係西冷分別係薯條，旦同汁。價錢都一樣嘅食物係室温，唔係暖唔係熱感覺五分鐘就到嘅食物應該一早整好了。味道可以無乜特別，特別係食完好口渴價錢唔太貴，可以一試。員工執枱好快！！值得讚賞！係不停喺我身邊張枱執外賣，行來行去有點影響，大家可以揀唔近出餐枱就好了！

嗌左個豬軟骨飯同加錢買左杯蜂蜜四季春，點知攞到返去打開見到係咖啡，好失望，因為本身唔鍾意飲咖啡，同埋咖啡好似唔駛加錢，變相蝕左$8。另外豬軟骨唔夠淋，下次試下第樣會唔會好食d, 同埋希望唔好再執錯飲品

點了外賣自取。當我到達店時, 看見外賣還未弄好, 店內職員叫我等一下。當我站在店外等時, 大約等了3分鐘後, 看見一位小姐(相信是顧客), 拿了一袋外賣回店 。她放下這袋外賣, 拿了別一袋外賣離開。估計是她之前拿錯了外賣。當時店員在收錢中, 我跟店員說這袋外賣是有人從店外拿回來 , 店員跟我说等一下。當這店員忙完後, 這店員就拿起這袋剛從別人拿回店的外賣袋, 跟我說這袋就是我的外賣。我再提醒這店員, 這袋外賣是別的客人從店外拿回來。但這店員完全覺得無問題, 只說是這客人自己拿錯。我唯有照拿這外賣回去。回去後, 打開外賣袋, 發覺袋內沒有餐具和白糖。我當下擔心這包外賣是否之前已經被打開。為了安心, 我只好掉了這份外賣!

在這個不起眼的角落上，這是一間我常到的早餐店，聽著舊年代的歌，選上簡單的早餐，便是我放假的其中樂事。今日，約了我的舊同事好朋友吃早餐，因她要帶上女兒去醫院檢查才來。我選了這個地方，便點了一份早餐。認真的說，早餐是非常吸引！包含一塊扒、蛋、薯餅、還有丹麥多士沙津，飲品作結。這個早餐確實能用滿足來形容，其實比all day breakfast 更要利害但是今天，食物是其次，我的好朋友，希望你和家人開開心心，兩年來，這些事都對你們太大壓力吧！最近，都回想起剛入職下班後去宵夜

九龍灣工業區都好多嘢食，隨意揀咗間cafe食下lunch，見到menu $50-140不等，包湯同餐飲。🍴 蘑菇忌廉湯 (5/10)正常茶餐廳忌廉湯，得個鹹味，冇麵粉粒，有好多蘑菇，普通啦。🍴 相撲手西冷牛扒（8安士）配牛仔燒汁扁意粉$73 (7/10)個分係重點比個份量同賣相🤣$73咁大件牛扒，仲有意粉同沙律，賣相同份量已經贏咗👍🏻 咁嘅價錢同份量冇得要求咁多，牛扒偏硬，冇肉味，用得太多鬆肉粉，個肉嘅味道有少少乸味，點燒汁食好啲(鹹鹹哋)，係大件抵食😂意粉ok，起碼有誠意用蕃茄汁撈過，淡淡香草同蕃茄味。竟然仲有沙律！沙律用咗麻醬，正常菜👌🏻🍴煙三文魚卡邦尼闊條麵 $68 (6.5/10)闊條麵份量好多，食完會好飽肚🤣入面有洋蔥煙肉蘑菇同三文魚，用料都足，忌廉味較淡，應該冇用真忌廉煮，同埋都偏鹹，味道一般過得去，但好食過牛扒🤣茶記質素，$68大大碟，冇得挑剔啦，係飽肚嘅！☕️latte +$10 (5/10)冇拉花/失敗左？個樣好求奇，飲落好苦咖啡味唔夠香，唔使加錢飲😂推薦指數: 6/10味道就一般，好食過普通茶餐廳，贏在大件夾抵食，唔好咁大期望，平平哋食下就ok😂

因為今日要陪太子女打泰拳， 於是決定早啲去九龍灣附近食啲嘢。 見到一間小店門口裝修幾特別又好有誠意， 門口介紹嘅食物亦唔差，於時便入去試試。 餐廳入面環境唔係太大，但係坐得算舒適， 唔會話好逼夾。 員工也好禮貌地簡單介紹食物， 令顧客感覺良好。 相信喺附近返工嘅人，一定經常幫襯呢一間小店。豬扒飯好大塊豬扒！ 羅宋湯好飲， 呢一個要畀一個讚！ 湯烏冬反而就冇乜驚喜， 只是屬於飽肚之選！ 另外意粉亦相當好味，very creamy!

喺九龍灣附近返工嘅朋友真係唔可以錯過🥰上次試咗西冷扒 今次就試咗雞扒配薯菜份量好足而且雞扒都煎得幾好食 唯一有啲失望嘅係薯條太軟身同埋一上到黎嘅時候已經凍哂 當日餐湯係紫薯忌廉湯 個人覺得味道有少少奇怪🤣然後飲品就叫咗珍珠奶茶 珍珠煮得有少少唔好 癡成左一大舊係杯底 不過整體而言都係覺得滿意的 味道好食份量足而且唔使加一 晏晝如果可以嘅話真係要盡早嚟一到咗12點就已經排晒長龍喺九龍灣可以用呢個價錢食到呢個質素嘅午餐真係選擇唔係好多！

係九龍灣想食西餐 不論Lunch, tea 甚至dinner 唔駛過 #企業廣場一期 果間又c又💙又🖤 不如方便啲 係 #宏開道 #大渣哥 斜對面 有間 #性價比 較高 較抵食嘅 @me_timecafe 選擇 Lunch menu 會定期轉 配有餐湯 餐飲今次係 #紫薯忌廉湯 🍠 紫薯一向偏向係甜食 碗湯外表都有呢個feel 不過飲落係鹹味紫薯 🤔呢個真係麻麻😅😅之前試過佢地嘅粟米忌廉湯、南瓜忌廉湯 好好多😅😅不過放心～ #maincourse 絕對冇伏🤣🤣A #相撲手肉眼牛扒配黑椒汁跟薯菜（8安士）塊扒🥩幾大 雖然冇話好講究問要幾成熟但煎得幾好 唔話太熟過老 更唔會太生流血水 剛剛好 仲keep 到肉嫩 而 #黑椒汁夠惹味 #薯菜 有 #粗薯條🍟 😋M #椰香葡汁焗雞皇配珍珠飯椰香味堅重 一上枱就聞到～雞肉好多 亦吸收到葡汁味 送飯果然一流👍🏻留意返～Lunchtime 一律搭枱同邊坐 同埋坐較入位置電話會收得唔好 甚至收唔到😣但放心 佢地係有WiFi 提供架😉=====================#黃色經濟圈 #懲罰 #yellow九龍灣 #yellowkowloonbay

難得今日冇帶飯，同同事3個人出去lunch，就有驚喜，第一次試食呢間，都幾多人，再晏dd 嚟就冇位，12點出面已經開始排隊。3個人有張卡位坐，都幾舒服，另外見佢有大枱可以夠6個人坐。Set lunch 全部跟湯同指定幾款野飲，想飲其他就要加錢，另外湯係每日得一款，所以冇得揀，而今日就係忌廉湯，野飲全部叫晒低糖薏米水相撲手肉眼扒配黑椒汁 $68可以配飯、扁意粉或薯菜，我就揀咗意粉🍝🥩夠晒大，唔會過熟，掂和風醬汁牛肉丼飯 $55鍾意佢個醬汁甜甜地，肥牛脂肪分布平均配上煙靭嘅珍珠米加上佢嘅份量十足，大胃王飽肚必食之選意式茄醬珍珠帶子大蝦意粉 $62大蝦size唔錯！份量都幾多，味道又唔會過酸性價比絕對合理，值得一試，有機會會再食😋