西貢越南真味

Open Now

Now Closed

火車頭牛肉鍋粉：配料豐富到不得了，包括有牛坑腩、牛丸、牛柏葉、生牛片，竟然仲有牛筋添。上枱時已傳來陣陣牛肉香，如果係牛魔王嘅你一定要選這個，其中最出色嘅係生牛片，足足有三大片，去過其他越南餐廳吃都未見過有咁大片嘅生牛，份量好似牛扒！湯頭非常濃郁，配合洋蔥和一些香葉，淡淡精華！越式咖喱牛腩飯：這個越式咖喱汁比港式的較稀，味道一樣很濃郁，還有淡淡椰香。咖喱帶點辣味很不錯！牛腩形狀似粒骰，足足有五大舊，仲有一些薯粒配合，份量不少喎！咖喱汁配飯一流可以把整碟飯吃清光！越式粉包：即叫即製，上枱時仲熱辣辣。粉包內配料十足，脹卜卜，包括有木耳、蘿蔔絲和沙葛，外軟外脆，口感豐富。建議上枱即食，否則粉包會變硬。一客有四件。龍眼冰：龍眼冰味道不錯，龍眼肉多，青青甜甜配合濃味食物恰到好處。椰汁紅豆冰：這裏的紅豆冰椰汁味濃，紅豆甜甜又大粒，好味呀！