炭兎

Open Now

Now Closed

朋友推薦炭燒日式料理，平日晚上都座無虛席喎，我哋被安排坐bar枱，適逢鄰座係birthday girl，見證餐廳嘅巨大化慶祝生日方式：香港小姐音樂、后冠、彩帶、月亮羽毛蛋糕座、人咁高道具玫瑰🌹 全場氣氛超好！其後再播2 rounds 生日歌，真係啱晒生日打卡！好肚餓呀生嘅熟嘅都點吓，先來前菜：惠比須牡蠣及螢光魷魚都正而且抵食！刺身set新鮮度可以但未算出色串燒雞腿肉、雞柳、雞軟骨，以雞腿肉最香，外脆內juicy，其他不過不失。終於等到期待已久嘅名古屋炭燒雞($168)，有炭火香而且入味，我自己就好鍾意，份量方面兩個人食都好夠，多吃會有點膩，一定要飲返杯舒解吓。見好多枱都有巨大化酒杯，膽粗粗問吓店員，原來為壽星仔女而設㗎🥰 不過店員好好人，我叫兩杯啤酒佢都照出巨大杯俾我打卡，like～ 埋單人均消費$600+，灣仔區日本菜嚟講算中上。