紅茶 (Closed)

話說，今日我地4個大人2個小朋友去食嘢，咁侍應叫我地落樓有大D嘅台，落到去，101號台有人，我地就腳坐去102，叫左個通粉早餐卑小朋友食，坐坐下小朋友叫凍，著左外套都見凍，咁就好心問侍應可否關細小小個冷氣（因為真係好大風，大人著外套都見凍），個侍應就話要問經理，OK，咁我問可否幫忙轉告，跟住，另一個侍應就話，一係你轉去101號台，冇咁大風，唔會對住吹，但你地嘅野食要自己拎過檯，OK，我都算！跟住，我地又再叫多3個餐、多士、麵包等，麻煩佢地羅滾水，佢地既然嫌麻煩，態度超差，野食黎左，唔夠叉用，叫極冇人應，要自己做埋侍應去羅㗎！咁都算了～最最最最激氣的是，D侍應做錯嘢～上錯嘢，將責任推去客人身上，大大聲同102號台客人話「出錯嘢唔想的，你知la，有D人要轉台，搞到D單咪亂左」～同時落的3個餐，D嘢係分開20分鐘先上架！問問D侍應點解隔離台遲叫又上先咁多，她仲大聲過你～話我張台嘅單未出～～嘩～～我真係覺得好莫名其妙，我問佢地，明明係你地建議我轉台，D單出錯，點解入我數？點解好似玩針對～真的好有問題！！又難食又受氣～請都唔好去！