詠藜園四川菜館 (Moved) New Location

衛生方面：一去到張枱度，枱面已經有幾粒上一手嘅肉碎係度，抹得唔乾淨，咁都算啦。一摸啲碗筷，油到已經唔想出聲，不過佢有盆比你洗，但洗完都無咩分別，都係油。食物方面：叫咗碗雞絲涼面，啲面硬到……，果面汁一啲都唔好食。之後仲叫咗一碗水餃面，碗面湯底望落好深色，諗住應該都會好濃郁，但一飲落口，好淡，好似水加咗少少豉油咁。叫咗生煎包，食落ok，正常嘅，同出面食果啲無咩分別，無話特別有特色。整體而言，諗住佢咁出名，應該好好食，但真係大跌眼鏡，應該無下次再去食嘅可能性。