亞越泰 (Closed)

和太座送完小豬返學，兩公婆要食個早餐充電，太座提議去京瑞找吃，揸車到門口竟然有位泊真係難得，因為我覺得呢條街24小時都泊滿車，落車見到呢間食東南亞菜，咁早有早餐食，就入去試吓，當然食D平時少食嘅早餐啦，我就點咗豬排金邊粉，太座就要個早晨全餐，睇賣相就真係好正，不過味道就好差，先講個粉，湯好淡，豬排鞋已經宣佈呢個食物玩完，仲要D金邊粉都鞋口，食咗一半就放棄，飲啖凍奶茶，大鑊，甜過我食碗紅豆沙，雖然冇預算喺呢D餐廳飲到靚奶茶，都唔好咁甜吖；太座個全餐單睇上碟真係冇得彈，可惜味道完全唔掂，太座話唔識形容，我一啖都冇試所以留俾太座自己出食評，只知道杯凍檸茶又係好甜；早餐食到咁，晚餐我都幾難再試佢，希望見到有好評，等我有勇氣再去