八月芳 (Closed)

好多年前呢度新開嘅時候成日嚟食，自從某次食過唔好食之後就少咗嚟。媽咪話好耐冇食過，想嚟飲吓茶，咁就再嚟試吓啦老翠園煎粉果(連湯) ($30)媽咪話係翠園嘅傳統點心。即叫即炸，有4件，顏色都煎得唔錯；用料算慷慨，入面有蝦粒、仲有筍條增加口感；浸咗湯之後會冇咁油膩，整體都OK不過粉皮有啲厚川芎湯浸魚雲 ($35)有杞子、川穹、豆腐、紅棗及主角魚雲；湯嘅藥材味唔重，適合唔鍾意藥材味嘅朋友，不過我就覺得佢清咗尐喇；魚頭極之新鮮冇腥味，雖然唔算好大舊不過好肥美原隻鮑魚荷葉飯 ($45)其實唔係想食鮑魚，不過以為得一款荷葉飯，所以叫錯咗；荷葉味唔算好香濃，炒飯粒粒分明，內藏蟹肉，不過冇乜荷葉香氣甫魚滑燒賣 ($27)睇錯咗以為係魚蓉燒賣，點知睇返英文名，原來只係普通嘅燒賣；不過感覺上入面嘅肥豬肉唔多，食一粒都唔會好膩蜜汁叉燒腸 ($29)雖然料多，不過係用邊位嘅叉燒，所以好硬，唔係太好食竹笙素柚皮 ($23)一上菜以為係擺錯咗，顏色紅紅哋，好似好辣咁，而且柚皮呢？難度係同其他素菜一樣切成碎或粒撈埋一齊？原來柚皮哩咗喺底，上面鋪滿素菜粒，雖然口感幾好、唔辣、柚皮唔澀，不過個汁比較油，始終都係食慣蝦子