新華粉麵茶餐廳 (Closed)

唔知係唔係因為我係去宵夜, 所以咁差！話說我半晚3點落去搵野食, 得返呢一間開通頂, 又落雨, 無辦法唯有幫襯下。佢話因為凌晨所以得返麵餐同埋麵包, 咁就叫左一個最普通既常餐啦，有沙爹牛肉麵, 火腿奄列同埋凍奶茶！沙爹牛肉麵: 十分普通, 不過不失火腿奄列: 太容易做既食物, 好難會差凍奶茶: 一試杯凍奶茶就知佢呢間野有幾多料到, 一飲落去苦到嘔！跟住我叫個女伙計幫幫手, 太苦, 跟住佢拎返去水吧大叫: 好苦喎!!!! 都算啦, 茶餐廳又唔會同你講禮貌架啦, 但佢之後就咁加左好多糖水落去, 一來佢D糖水同杯奶茶既味唔夾喎!!好似變左蜜糖奶茶咁！二來一落就落咁多, 甜到我想嘔！咩質素呀? 一係就勁苦, 一係就勁甜, 好明顯, 佢地個水吧係好屎的, 完全唔識得做到恰到好處！我住左3年第一次幫襯, 我亦都永遠唔會再幫襯，因為呢3樣咁CHEAP既野加埋要$26，咁既質素我可以食其他更好既野啦。