Video
Read full review
2024-07-16
343 views
阿媽生日飯Book咗呢間王家沙真係好後悔booking8:30pm準時坐低放低生日蛋糕已經講定切蛋糕加$100當然冇問題啦。之前見到D評論都已經有啲心理準備知道啲員工會有D趕收工，不過商場餐廳都好正常要配合個商場營業時間，不過冇諗過情況可以去到咁惡劣。一坐低約5分鐘已經決定咗叫我四人餐，9:00pm佢準時將全部菜一次過上晒，其實都唔緊要，不過點解要夾硬將甜品都上埋嚟（甜品係薑茶湯圓同埋豆沙鍋餅）張枱都唔夠擺，我問佢點解要上甜品佢話廚房收工，都算啦，我叫佢甜品不如遲啲先上啦，佢拎開咗我哋大約用咗40分鐘食嘢其實嘢食出品係幾好嘅東坡肉/燒雞/蝦仁/炸黃花魚/燉湯都好味嘅，份量都好足夠，好飽食唔晒。但係食到9:30pm嗰陣送張單埋嚟叫你埋單先之後全公司所有員工消失晒，個場除咗我哋仲有另外一張大枱客人都完全冇人招呼，啲嘢想打包企起身大叫完全叫唔到人見到附近有啲外賣盒，唯有自己打包外賣，因為要攞返個喺雪櫃嘅蛋糕嘅關係，唯有走入去佢哋休息室度叫人攞返個蛋糕，跟住佢行返出嚟放低之前已經全部凍晒嘅薑茶湯圓同埋已經出晒油嘅豆沙窩餅😨俾我哋食（完全冇人想食）跟住見到我哋包咗外賣只係記得講外賣盒每個收2蚊👏
booking8:30pm準時坐低放低生日蛋糕已經講定切蛋糕加$100當然冇問題啦。
之前見到D評論都已經有啲心理準備知道啲員工會有D趕收工，不過商場餐廳都好正常要配合個商場營業時間，不過冇諗過情況可以去到咁惡劣。
一坐低約5分鐘已經決定咗叫我四人餐，9:00pm佢準時將全部菜一次過上晒，其實都唔緊要，不過點解要夾硬將甜品都上埋嚟（甜品係薑茶湯圓同埋豆沙鍋餅）張枱都唔夠擺，我問佢點解要上甜品佢話廚房收工，都算啦，我叫佢甜品不如遲啲先上啦，佢拎開咗我哋大約用咗40分鐘食嘢其實嘢食出品係幾好嘅東坡肉/燒雞/蝦仁/炸黃花魚/燉湯都好味嘅，份量都好足夠，好飽食唔晒。
但係食到9:30pm嗰陣送張單埋嚟叫你埋單先之後全公司所有員工消失晒，個場除咗我哋仲有另外一張大枱客人都完全冇人招呼，啲嘢想打包企起身大叫完全叫唔到人見到附近有啲外賣盒，唯有自己打包外賣，因為要攞返個喺雪櫃嘅蛋糕嘅關係，唯有走入去佢哋休息室度叫人攞返個蛋糕，跟住佢行返出嚟放低之前已經全部凍晒嘅薑茶湯圓同埋已經出晒油嘅豆沙窩餅😨俾我哋食（完全冇人想食）跟住見到我哋包咗外賣只係記得講外賣盒每個收2蚊👏🏻👏🏻果然係一班天花板級有效率同埋盡責嘅員工～
最後原封不動攞返個蛋糕返屋企切（完美）
四人餐埋單約$1600
第一次寫食評，因為真係好唔高興，真心感覺到你食幾好食都好招呼如果真係太差顧客嘅體驗差成咁都係唔會返轉頭～
Post