隼 (Closed)

陪女兒去九龍灣MegaBox買嘢，之後經過一間日式壽司店叫隼，餐廳以列車做主題，會用列車來送餐。見餐牌價格經濟大眾化，我哋都想試吓，於是乎就入座去也。隼鮮丼：食材相當豐富又新鮮，已經鋪滿整碗飯面，蔥吞拿魚蓉勁有魚油香、赤蝦肉質肥美鮮爽、三文魚和油甘魚都好肥美，每口都充斥魚油香氣、帆立貝豐厚的肉身極富彈性，味道鮮味甘甜、三文魚子完全沒有腥味，帶著深海魚獨特的豐腴脂香。海鮮沙律福袋：腐皮質感濕潤，豆味香濃。炙燒鰻魚壽司：鰻魚甘甜化口，十分惹味！帆立貝壽司：帆立貝鮮甜肥美。赤蝦壽司：赤蝦口感爽口有彈性。三文魚壽司：三文魚新鮮肥美，魚脂甘香。雞骨腸：日本地道風味，由新鮮豬肉製成香腸，再包裹雞腿骨，外形似足雞髀，肉味濃郁，惹味多汁。芝麻手羽：雞翼外皮金黃酥脆，咬開內裡藏著雪白嫩滑的雞肉，加埋香味濃郁嘅芝麻，香口非常！腐皮烏冬：奶白色的湯底味道濃郁，腐皮吸入湯汁口感豐富，烏冬質感彈牙煙韌。