十二味 X Bamboo Bar (德己立街)

Open Now

Now Closed

十二味其實我真係已經食過好多次，次次都係水準之上。尤其而家疫情唔可以返大陸，想食下d好食既中國菜唯有黎呢度。霸王七椒蝦超大隻既蝦，咬落去啖啖蝦肉，食落感覺超滿足。而且蝦身彈牙爽口。可惜朋友唔太食得辣，小辣完全滿足唔到我，真心食川菜唔辣真係唔過癮。下次黎一定會encore呢碟！武隆尖椒雞其實個味道非常唔錯，d雞又嫩滑，但係d雞跺得有d碎，所以食落有d麻煩，食好耐都未食完。十二味既冰粉真係我係香港食過最好食既冰粉！冰粉清涼嫩滑，果種甜味仲帶有淡淡花香。其他地方果d冰粉一係無味，一係得一種死甜既味道。