札幌元祖北海道拉麵 (Moved) New Location

想當年，初出茅廬，入世未深，平日食開味千拉麵(真係唔好再提呢段往事)，突然有一日去左呢間拉麵店度食，果種震撼真係同睇左周慧敏清純左二十年，突然佢整左套女同性戀電影出黎咁大，日本拉麵湯底原來可以咁香﹗咁濃﹗拉麵可以咁爽﹗一間鋪可以賣咁少野，就係拉麵同小食﹗重有服務咁差都可以咁多人排隊﹗事隔十數載，人大了，去多左地方，在飄著雪的北海道喝過火熱的牛油湯拉麵，亦在九州屋台吃過豬骨湯拉麵，香港也多了不少出色的拉麵店，貴得出奇的The Mist，還有許多許多。到了上星期，再次經過交易廣場，吃了這店的麵豉拉麵配餃子，價錢一百一。湯底，熱得來卻不夠濃，麵底，仍然用日本拉麵卻浸得有點糊口，還好叉燒及餃子仍然有水準，因為實在有太多好的拉麵新店，就說大坑的達磨，那湯頭也比這邊出色，往昔一吃難忘的心情，已經煙消雲散。店員的笑面，比以前燦爛了很多，倒是真的。