Video
Read full review
2024-11-02
677 views
我呢啲佛系寫review嘅人，因為chueca再次出動😝話說呢餐飯都成個月前食，係幫bestie慶生嘅dinner，記得當日係好大雨，條街嘅其他餐廳都好靜，唯獨呢度仲有幾枱客 (其實飲食業真係好難做，大家多多支持吓)。喺門口首先會放低把遮入遮筒，跟住waiter就好快貼個label喺遮抦上面，原來佢係寫咗枱號，等大家唔好拎錯遮，呢個小舉動好細心，抵讚👍🏼當晚有tasting menu可以揀，但睇完都係覺得好似自己散叫開心啲。呢度嘅presentation比之前喺其他地方食嘅西班牙菜更精緻講究，尤其係佢個用撻皮裝住嘅Tuna Tartare，同埋上面舖滿三文魚子嘅薯仔沙律 Chef’s Rusa，好食之餘打卡無得輸📸另外個蒜油大蝦都好impressive，蝦肉非常彈牙。我哋仲order咗兩個甜品，餐廳可以幫手寫birthday message，waiter仲好好主動幫手影相，仲suggest邊個位影係最靚。Overall我好鍾意呢度，環境好、nice staff、食物質數高，要彈嘅話係想主菜嘅portion可以大份多少少😝誠意推薦比大家！
話說呢餐飯都成個月前食，係幫bestie慶生嘅dinner，記得當日係好大雨，條街嘅其他餐廳都好靜，唯獨呢度仲有幾枱客 (其實飲食業真係好難做，大家多多支持吓)。喺門口首先會放低把遮入遮筒，跟住waiter就好快貼個label喺遮抦上面，原來佢係寫咗枱號，等大家唔好拎錯遮，呢個小舉動好細心，抵讚👍🏼
當晚有tasting menu可以揀，但睇完都係覺得好似自己散叫開心啲。呢度嘅presentation比之前喺其他地方食嘅西班牙菜更精緻講究，尤其係佢個用撻皮裝住嘅Tuna Tartare，同埋上面舖滿三文魚子嘅薯仔沙律 Chef’s Rusa，好食之餘打卡無得輸📸
另外個蒜油大蝦都好impressive，蝦肉非常彈牙。我哋仲order咗兩個甜品，餐廳可以幫手寫birthday message，waiter仲好好主動幫手影相，仲suggest邊個位影係最靚。
Overall我好鍾意呢度，環境好、nice staff、食物質數高，要彈嘅話係想主菜嘅portion可以大份多少少😝
誠意推薦比大家！
Tuna Tartare
0 views
0 likes
0 comments
Chef’s Rusa
151 views
0 likes
0 comments
Iberico Pork
10 views
0 likes
0 comments
Coconut & Berries; Cheesecake
16 views
0 likes
0 comments
Post
