Video
Read full review
2017-07-31
3056 views
平時都好少喺新墟呢邊食飯，不過最近試左呢間餐廳，事緣我喺附近髮型屋剪頭毛，知我鐘意食雞翼，髮型師介紹我地黎試下的。店內裝潢較為新式，紅磚牆、木枱木櫈，加上光猛燈光，感覺乾淨企理，第一印象良好。週日晚飯時間去到，客人就唔算好多，大熱天時，先唔好理食物質素如何，冷氣夠足，啱哂我怕熱人士，驚太當風可以坐近門口位置。餐牌選擇唔算好多，有米線、湯飯、小食，有幾款米線幾特別：胡椒豬肚雞、蟲草花雞、黃酒雞，如果喜歡自選亦可，一般配料都有齊，木耳、豆卜、雞中翼、豬皮、肥牛、蔥油豬扒都有，設最低消費每位 $35。我地一人點左一客飯，再配上人地介紹叫我要試下嘅巴打雞翼，人均食左65蚊左右，可以接受。蔥油豬扒飯 $42飯嘅份量非常多，男士相信夠飽，女士怕食唔哂大可點少飯，不要浪費。豬扒方便食用，已經切成一片片，雖然較薄身，不過食落香口唔老唔韌。配上大量蔥油，送飯一流。不過男朋友係食開小巴黎果種蔥油豬扒飯，童年回憶地位難以動搖。口水雞飯 $48我點嘅係口水雞飯，驟眼睇會以為份量唔多，但食落其實已經相當飽肚，最主要係由於小店嘅雞件肉多。雞肉切得細細一件，肉多骨少，雖然稱唔上嫩滑，但都唔會鞋口。雞皮薄身唔肥膩，食
店內裝潢較為新式，紅磚牆、木枱木櫈，加上光猛燈光，感覺乾淨企理，第一印象良好。
週日晚飯時間去到，客人就唔算好多，大熱天時，先唔好理食物質素如何，冷氣夠足，啱哂我怕熱人士，驚太當風可以坐近門口位置。
餐牌選擇唔算好多，有米線、湯飯、小食，有幾款米線幾特別：胡椒豬肚雞、蟲草花雞、黃酒雞，如果喜歡自選亦可，一般配料都有齊，木耳、豆卜、雞中翼、豬皮、肥牛、蔥油豬扒都有，設最低消費每位 $35。我地一人點左一客飯，再配上人地介紹叫我要試下嘅巴打雞翼，人均食左65蚊左右，可以接受。
蔥油豬扒飯 $42
飯嘅份量非常多，男士相信夠飽，女士怕食唔哂大可點少飯，不要浪費。
豬扒方便食用，已經切成一片片，雖然較薄身，不過食落香口唔老唔韌。配上大量蔥油，送飯一流。
不過男朋友係食開小巴黎果種蔥油豬扒飯，童年回憶地位難以動搖。
口水雞飯 $48
我點嘅係口水雞飯，驟眼睇會以為份量唔多，但食落其實已經相當飽肚，最主要係由於小店嘅雞件肉多。
雞肉切得細細一件，肉多骨少，雖然稱唔上嫩滑，但都唔會鞋口。雞皮薄身唔肥膩，食雞我一定食埋皮。
最主要係個汁，佢地嘅汁辣度頗高，用上不少花椒、蔥花、蒜蓉、辣油製成，如果唔食得辣要留意。
食呢度嘅口水雞難免會令人諗起鄰鋪，兩間我都有食過，價錢以呢度平少少，鄰鋪嘅雞件比較大件，但骨嘅部分挺多，辣度做得不一樣，呢間辣點點，惹味啲。鐘意邊間，視乎個人喜好。
其實除左雞翼，尚有其他小食，例如：拍青瓜、麻辣雞腳、煙燻蹄等，小食一向較正餐賺嘅錢多，定價就唔算平，但都可以體諒，勝在選擇頗多，以口水雞嘅水準，相信呢類川式小食應該都會幾好食。如果有麻辣雞翼尖，我一定點呀…！
巴打雞翼 $35/5隻
識我嘅都知我係雞翼怪，出親街炒小菜必點雞翼，既然髮型師讚好，我地都不能錯過。
雞翼 $24/3隻；$35/5隻，雞翼炸得香脆，唔算好厚，一咬落去咇左雞油出黎，炸得唔乾。
面頭灑上少許淮鹽，鹹鹹地幾好食。
Post
