莎巴馬來西亞餐廳 (Moved) New Location

見近來吃西餐次數太多, 所以想吃點比較香口的東南亞菜色, 小妹喜歡泰國菜, 但朋友建議了 反正他未試過, 就由他作主其實約兩年前小妹曾來過莎巴馬來西亞餐廳, 印象都唔錯。而且價錢平, 比較適合四個至六個人來。這裡坐置較迫, 不過無所謂反正吃完就走, 如果要和女朋友傾下計就未必係一個好既選擇 。兩人都唔太餓, 但兩款食物嫌太小, 最後都點了三款食物加一個鬆餅。巴東牛肉 $128此乃印尼名菜, 牛肉以多款香料調味, 集香辣, 惹味於一身牛肉煮得好淋好入味, 與醬汁融為一體, 勁似牛肉醬, 絕對對是白飯殺手。椰汁咖哩雞 $118咖哩汁加入了過多蕃茄，味道傾向酸，椰汁香亦不太明顯, 攪到兩頭唔到岸咁。雞件份量不少一點都唔入味亦介乎冇雞味。令人大失所望。馬來西亞貴妃苗 $78貴妃苗乃一棵菜最幼嫩的部分，沒有加入任何配料，只有調味。口感挺細嫩無渣但菜青十分強烈，如果加入薑、蒜同炒應該好味好多。油鬆餠 $38第一個印象是縮左水，另外是吾夠熱。幸還存酥香，點咖哩汁永遠是不二之選。完全明白星期六黃金時間唔需要等位的原因了。