HABITŪ caffè (Closed)

從來好少向呢啲地方開餐，隔離有2間同類型咖啡店，食物上覺得呢間好啲，就揀左呢間。唔想揀大堆頭果啲炒蛋早餐，超中意食火箭菜，估唔到有火箭菜做饀嘅包，就不如試下。用呢款bagel，賣相好吸引，巴馬火腿夾住一大舊火箭菜，2塊新鮮番茄，少許巴馬臣芝士，少許乳酪醬，先食少少巴馬火腿，鹹了少少，不過一啖咬落去，乾淨俐落，成個配搭非常好，味道無話邊個搶邊個，每款食物均保留獨有味道，毫無挑剔。Mocha雖然唔算飲過最好，朱古力算香濃，但嫌唔夠熱。