Video
Read full review
2023-11-09
2048 views
#chuchu食在灣仔📍 幸屋好耐之前已經聽過呢間嘅拉麵好掂！專登約埋個fd出嚟試吓！💡撘叮叮喺分域街落過對面人巷仔就到！—————————————————————❣二人前套餐 $298 套餐好抵食，有沙律、小食、兩碗拉麵或者丼飯、4串串燒仲有兩罐飲品！.🥗軟殼蟹沙律可以揀蟹籽沙律或者軟殼蟹沙律，軟殼蟹炸到脆卜卜，配埋新鮮蔬菜都係正正的！.🍜 金武士 豚骨拉麵🐷最鐘意試原味先可以睇到啲基本功，先試啖湯，好濃，好香嘅豚骨味！拉麵揀咗幼麵，入口彈牙，非常有口感，好掛湯！揀左叉燒+角煮豚（即係Pork Belly）大大塊好厚切，兩款都好食！.🍜 赤武士 辛味拉麵有4種辣度可以揀，朋友怕會太辣就嗌左1，食落微微辣，偏係日式甜辣嘅感覺！麵都係好掛湯，非常正！溏心蛋係成粒上，好大方，好味，好糖心！.🥟和風餃子(六隻)一上枱以為送錯，煎到好似大阪燒咁嘅樣，原來係冰花煎餃子！餃子皮煎到啱啱好，脆卜卜！最加分係個醬嘅配撘，蛋黃醬+木魚絲+紫菜碎！.🍢串燒（自選4串）嗌咗雞軟骨、雞肉、豬頸肉，燒得好香！.🥤飲品 可以加錢轉特飲！不過🐷就冇轉，嗌咗罐裝烏龍茶，仲有其他罐裝汽水！.💬推推！都係香港小數好食嘅拉
📍 幸屋
好耐之前已經聽過呢間嘅拉麵好掂！專登約埋個fd出嚟試吓！
💡撘叮叮喺分域街落過對面人巷仔就到！
—————————————————————
❣二人前套餐 $298
套餐好抵食，有沙律、小食、兩碗拉麵或者丼飯、4串串燒仲有兩罐飲品！
.
🥗軟殼蟹沙律
可以揀蟹籽沙律或者軟殼蟹沙律，軟殼蟹炸到脆卜卜，配埋新鮮蔬菜都係正正的！
.
🍜 金武士 豚骨拉麵
🐷最鐘意試原味先可以睇到啲基本功，先試啖湯，好濃，好香嘅豚骨味！拉麵揀咗幼麵，入口彈牙，非常有口感，好掛湯！揀左叉燒+角煮豚（即係Pork Belly）大大塊好厚切，兩款都好食！
.
🍜 赤武士 辛味拉麵
有4種辣度可以揀，朋友怕會太辣就嗌左1，食落微微辣，偏係日式甜辣嘅感覺！麵都係好掛湯，非常正！溏心蛋係成粒上，好大方，好味，好糖心！
.
🥟和風餃子(六隻)
一上枱以為送錯，煎到好似大阪燒咁嘅樣，原來係冰花煎餃子！餃子皮煎到啱啱好，脆卜卜！最加分係個醬嘅配撘，蛋黃醬+木魚絲+紫菜碎！
.
🍢串燒（自選4串）
嗌咗雞軟骨、雞肉、豬頸肉，燒得好香！
.
🥤飲品
可以加錢轉特飲！不過🐷就冇轉，嗌咗罐裝烏龍茶，仲有其他罐裝汽水！
.
💬推推！都係香港小數好食嘅拉麵！服務各樣都好唔錯！
—————————————————————
不專業評分
👅好味指數: 8/10
💰性價比: 8/10
👍🏻推薦: 8/10
—————————————————————
🏡地址: 幸屋 (灣仔)
灣仔機利臣街5-9A號維昌大廈地舖
🕑營業時間: 11:00-22:00 （4-5.30落場）
—————————————————————
Post
