Video
Read full review
2021-11-26
1854 views
不時都聽到人家講話咩隱世餐廳呀，點為止隱世呢？好食而無乜人知？今夜到訪嘅居酒屋「Roji」就真喺好隱世，兼極有「秘竇」感，因為唔喺有人帶恐怕都搵唔到入口，經過條巷仔先到餐廳，仲要無一個正規嘅門面，有啲似以前晌九龍城寨搵食嘅感覺，有種尋幽探秘之感。穿過巷仔，進入餐廳，又喺另一番景象。有別一般日式嘅居酒屋，開得晌蘭桂芳，當然目標客戶喺外國人多，裝修好型格，又好有格調，三五知己嚟聚一聚，非常有氣氛。就算嚟小酌一杯，亦都幾唔錯。用餐區都分開幾個部份，有啲喺二人、四人嘅餐枱，亦有啲大型啲嘅高腳枱櫈。另外，由於依家天氣清爽涼快，所以，可以大開「窗戶」，而窗戶嘅位置，亦成為一張張嘅餐枱。此外，外邊更有幾張高腳枱，喺最適合純粹嚟飲兩杯嘅客人。 至於，最有睇頭嘅位置，可以講喺吧位嘅「板前席」，因為，可以睇到酒保嘅調酒功架，部份冷盤亦會晌度製作。 既然喺摩登嘅居酒屋，各式酒品又點少得，佢哋主打喺高球雞尾酒（Highball），此外，更有多種特色雞尾酒、氈酒、威士忌、紅白餐酒、香檳一應俱全，當然，亦有提供清酒啦。 Red Bean $135友人就要咗一杯雞尾酒「Red Bean」，由波本威士忌、燒酌、紅豆、
穿過巷仔，進入餐廳，又喺另一番景象。有別一般日式嘅居酒屋，開得晌蘭桂芳，當然目標客戶喺外國人多，裝修好型格，又好有格調，三五知己嚟聚一聚，非常有氣氛。就算嚟小酌一杯，亦都幾唔錯。
用餐區都分開幾個部份，有啲喺二人、四人嘅餐枱，亦有啲大型啲嘅高腳枱櫈。另外，由於依家天氣清爽涼快，所以，可以大開「窗戶」，而窗戶嘅位置，亦成為一張張嘅餐枱。此外，外邊更有幾張高腳枱，喺最適合純粹嚟飲兩杯嘅客人。
至於，最有睇頭嘅位置，可以講喺吧位嘅「板前席」，因為，可以睇到酒保嘅調酒功架，部份冷盤亦會晌度製作。
既然喺摩登嘅居酒屋，各式酒品又點少得，佢哋主打喺高球雞尾酒（Highball），此外，更有多種特色雞尾酒、氈酒、威士忌、紅白餐酒、香檳一應俱全，當然，亦有提供清酒啦。 
Red Bean $135友人就要咗一杯雞尾酒「Red Bean」，由波本威士忌、燒酌、紅豆、焙茶……等溝成，起手第一啖酒精度好強勁，隨着冰球慢慢溶化，味道就越飲越醇香。
Yuzu Mocktail $95小弟就要一杯無酒精嘅雞尾酒，以柚子同綠茶為組合，加一大片紫蘇葉，既為裝飾，又滲出一份獨特香氣。睇落唔喺覺乜嘢，入口有好強嘅氣泡，但啲氣泡幼細到睇唔到咁滯，柚子加上紫蘇嘅香味好特別。原來，店家引入一部日本嘅冷凍碳酸水機，能製造出氣泡量高5倍。
Yuzu Mocktail
$95
22 views
1 likes
0 comments
Cartilage $98送酒嘅最好喺啲香口嘢，揀呢一道雞軟骨就最好不過，沾上粉漿炸香後，灑上紫菜粉及柚子鹽作調味。最特別喺啲軟骨用咗雞脊位，軟骨呈Y形，而且，炸得香而不膩，再灑埋少少青檸汁，就一流喇。
Cartilage
$98
12 views
0 likes
0 comments
油甘魚一向都喺刺身嘅常客，呢道前菜就以油甘刺身，再加上以昆布、柚子醋做成嘅啫喱，令到食起嚟有種酸香鮮活嘅感覺，但又不失油甘嘅鮮滑細膩、油脂嘅豐腴。不過，一客只得4件定價有啲進取。
Scallops $158我哋所坐嘅位置，就正正睇到師傅點整呢道菜，雖然做法簡單，但用料靚，帶子喺刺身級，既大隻，又鮮嫩。配以清新嘅柚子醋同灑少少刁草碎，佐以嫩滑無比嘅萵筍，確喺一道清新嘅前菜。
Scallops
$158
15 views
0 likes
0 comments
Giant Clams $198食咗兩道前菜，再嚟喺一道熱盤暖暖番個胃先，叫得巨蜆就真喺唔講得少，貨源嚟自日本，啲蜆肉大隻飽滿，味道鮮甜，質感柔韌；因為灑咗啲七味粉調，微辣而惹味，而且，隨後會滲出淡雅嘅清酒香，好食。
Giant Clams
$198
10 views
0 likes
0 comments
King Crab Legs $298小弟一向都幾鍾意食蟹，但就怕麻煩郁手拆蟹，所以，呢一道皇帝蟹腳就最我呢等懶人。大大隻蟹腳已經去咗面殼、起晒肉，一夾就食得。蟹肉非常鮮甜，以自家製嘅芥末蛋沙律醬、配以加入日本麵包糠嘅香草放上蟹腳面焗香，所以，食起嚟味道多元化。此外，別錯過伴碟嘅脆炸蓮藕片，脆到好似薯片咁，而且，香而不膩。
King Crab Legs
$298
36 views
0 likes
0 comments
Udon $95主食類分別試咗兩款新菜式：烏冬及三文治，先分享份烏冬，有啲似意大利麵嘅做法，配以薑蒜醬同明太子鱈魚籽，又加咗啲蒜片，味道好濃郁，又帶幾分鹹香味，味道富層次，再者，啲烏冬煮到啱啱好，煙韌而有咬口，整體感覺非常特別。
Sando $125咪睇佢三文治一份好似好普通，唔喺店員講解，唔知內藏咁多心思。中間層肉餅喺用上免治豬肉、牛肉、秘製香料打成，再以吉列方式炸到金黃，放入烘熱嘅麵包上，而麵包更搽咗芥末蛋黃醬同炸豬扒醬，真喺誠意之作。入口肉餡鮮嫩富肉汁，又帶點脂香，兩款醬汁令味道更具立體感，滋味十足。
Sando
$125
27 views
0 likes
0 comments
Skillet Pan Cake $148最後，總以甜品作結，先覺得有份完美感。原以為喺一件件嘅班戟，原來喺加入咗棉花糖同白朱古力做嘅「班戟」餅底，好綿、好鬆軟，而上層加上一大球焙茶雪糕，茶味十分香濃清幽。
蘭桂芳一向越夜越多人，就算好似呢個「秘竇」，都喺一樣越夜越多人，所以，就更有氣氛。招呼亦都好好，加上環境寫意，喺好酒之徙嘅聚腳地，當然，唔嗜酒，食物嘅質素一樣滿足到你！
Post
