家上海 (奧海城三期)

Open Now

Now Closed

屋企人搬咗去奧運，今日星期日去參觀下佢屋企之後，就去附近行吓睇吓有咩食，見到奧海城呢間上海菜裝修OK喎Menu好多選擇，價錢都OK，所以就拎咗飛等人位，大概7:00開始等，等咗大概半個鐘，就有位啦！ （順便提下大家，奧海城三期有誠品，等位期間可以帶埋小朋友/大朋友去誠品行吓，睇吓圖書精品，打發下時間。）我哋四個人，不過叫左差唔多10幾樣野，因為在座有住大西北的朋友，好少出奧海城食嘢，而今次亦都係我哋第一次食呢間上海嘢，所以我地盡量叫多啲試多啲。冷盤叫咗脆鱔，龍井蝦仁，涼拌萵筍，主菜叫咗蟹蓋炒糯米飯有超多蟹膏, 大家都一定要叫生煎小籠包，比傳統嘅蒸小籠包好味好多倍，煎咗嘅小籠包外脆內軟，仲有爆多汁真係好特別. 仲叫咗個湯係傳統嘅上海湯，有筍有豬肉嘅湯唔記得咗exactly叫咩名不過大家睇餐牌應該就會見到，上碟時侍應會問使唔使分埋，咁我哋梗係話好啦，唔洗麻煩自己所以就四碗一人一碗咁上菜，硬件侍應都好均真，每碗都有荀及豬肉。飯後甜品係我哋首次出現分歧，大家都揸唔定主意叫乜好，樣樣都想試，結果叫咗三款甜品🍮，第一個係高力豆沙蛋球，第二個係奶黃蘿蔔絲酥，第三個係芝麻湯圓，如果你問我邊一款會再en