中記

Open Now

Now Closed

去開街市大樓食肆挑起條筋，今次去咗灣仔駱克道市政大樓的中記食小炒。四個人六樣食物大家好胃口，全部都是六$70最貴都係$100多，價錢親民。估唔到酸菜魚最快到，一定好多人點， $108超抵食，大盆出份量多，而且唔太酸反而啱我哋口味，魚肉又大又滑。滋味黑醋骨（$78）炒得極香。芝麻雞半隻（$78）極滑，芝麻又多又香，貼在爽口雞皮上面，食起上嚟多個層次。芥末四季豆炒牛柳粒只賣$68，辣辣地又幾好味，牛柳嫩，豆爽入味。豆腐火腩煲是男人的浪漫，$60煲，好快就食晒，我都食唔到一大舊豆腐，唔知係咪唔夠快手。啫啫芥蘭煲，又係 $60，啫啫做法，令到芥蘭都變得好吃。