名館 (希慎廣場) (Closed)

之前行希慎廣場嗰陣，已經留意到名館依間餐廳。今日去完誠品，又夠鐘食飯，於是就決定要去會一會名館同埋佢哋嘅美食喇。陳醋珊瑚海蜇頭，一上菜，店員加水落碗邊嘅乾冰，瞬間騰雲駕霧。海蜇頭口感爽脆京川汁秋葵，紅京川汁調味，令秋葵嘅味道無咁單一清寡。冰鎮鮮菠蘿咕嚕肉，再一次嘅騰雲駕霧，用咗鮮菠蘿殼嚟做器皿，加埋乾冰帶嚟嘅較果，埋相相當精美，冰涼嘅咕嚕肉，揀選咗唔會好肥嘅部位，酸酸甜甜非常好吃。鮑汁紅腰豆炆海參，海參都算係大塊，入口清爽彈牙。配上鮑汁同紅腰豆，味道相當配合。依個餸我覺得加多個白飯就更正喇。流心鵪鶉蛋燒賣，原隻鵪鶉蛋釀入燒賣中快蒸。不過好似蒸耐咗，隻鵪鶉蛋熟咗，無咗流心。雖有有點美中不足，但燒賣仍然係好味嘅。太極馬拉糕，原味同芝麻味，砌出一個太極圖案，創意十足。