名館 (希慎廣場) (Closed)

如果行街行到攰、肚餓又唔知食乜嘢，呢間係一個好選擇！朋友之前嚟過，佢話今次少咗啲點心點心嚟得好快，冇漏單。只有蝦餃、燒賣和雞湯有encore。蝦餃皮唔算薄，勝在夠大隻，蝦肉爽；燒賣有隻鮑魚仔喺上面，有咬口；雞湯清甜夠熱。當日只得雞湯，冇其他湯作比較。炸物係預先炸好，攞出嚟係凍同索晒啲油，咬咗一啖就放棄。以宮庭妃子笑較好，外面粒粒仲有少少脆，裏面流心奶黃。唔知用乜嘢準則，黨參北芪浸雞腳一份得兩隻；麻辣無骨黑雞腳、港式混醬豬腸粉、泡椒魚皮絲就一大碟。唔係唔好食，只不過太多了，食唔晒！冷熱飲品大大杯，普普通通用嚟解渴雖然點心款式少，以咁嘅價錢，喺銅鑼灣區，地方舒服，服務好，實在抵食

同屋企人食晚飯，想食中菜又行到攰就去咗呢間。見啲枱分得幾開似幾好坐就入咗去。間鋪都唔多客，都有幾個侍應，但好似得一個係真係做嘢咁。 想落單冇人理，我就望住坐喺收銀嗰個阿姐再指個餐牌。佢見到之後，繼續坐係個counter,大聲叫過黎問我哋想食咩 我唯有行去佢個位到落單，好似食快餐咁。啲嘢食超快到，好一般。加上間鋪有好多蚊之仔，係咁「嬲」啲嘢食。搞到唔係好有胃口。最後！ 都係最重要！係一個餸到發現到一塊硬嘅膠片，仲要係尖角嘅。好彩冇老人家食到。成間舖頭冇一樣嘢係做得好。

呢間店從前是一間酒樓，近來發現它開始有烤魚，及其他有特色之川菜。店內的位置寬躺，卡位都舒適。烤魚🐟烤魚是新鮮製作的，可以自選配菜，我們選了豆腐、薯仔及薯粉。這些配料都能夠索哂啲辣汁，惹味非常。魚都很滑很多肉，煎香了來整的，所以不錯。欖菜干扁四季豆這個四季豆炒得很香口，味道恰到好處，四季豆都好爽。蜂蜜柚子脆蝦球🍤賣相好可愛，一個個蝦球疊起，放於一個籠入面。表面是柚子醬，咬下去脆脆的，接著便彈彈的蝦肉，可以再encore。藥膳雞腳🍗藥膳都很好飲，雞腳很有彈性，都很好味的。百香果冰粉好特別的一個冰粉，它的冰粉是甜甜的，酸酸的百香果令整體感覺很新鮮，如果烤魚太辣，食這個會有一瞬間解辣的效果。餐具別具心思，令人印象深刻。#名館 #烤魚 #欖菜干扁四季豆 #蜂蜜柚子脆蝦球 #藥膳雞腳 #百香果冰粉

好耐冇黎，掛住以前的中菜點知黎到改左經營模式我地都照坐低散叫串燒同鮑魚雞煲串燒黎到，少左串，我地竟話比佢地知啦，佢地搵人睇完又再睇，仲要有個人黎數我地竹簽🤨🤨18蚊串既串燒，我使唔使呃你呀？！感覺已經好差啦食物質素方面，串燒黎到係凍凍地既…所有串燒一樣味連鮑魚雞煲都好難食😅請問點做到食食下，比隻昆蟲圍繞著….佢比的醬汁，仲跌左一隻入去添呀服務質素真係搞唔掂😂😂啲水不拎上手，外面係痴曬好似飯咁既一粒粒叫左約次加茶，都冇人理🤣最好笑既係分別2-3個人黎睇我地啲食物，係咪真係出少左一串牛肉🤔️人手咁足，但服務就唔夠啦個人黎講，真係唔建議食😅😅

數年前在名館內一邊欣賞銅鑼灣風景，一邊吃精緻新派點心，賞心樂事。最近留意到名館有下午茶點心放題，雀躍去訂位試試。$148 加一茶芥，差不多$180，以放題來說很超值。湯、特飲、煎炸、蒸點，每樣一份/一件上，每款都差不多可試一次，確實難忘。留意的是一次可以下單多樣，出的次序不能掌控。90分鐘其實也挺充裕。每次下單後，再隔10分鐘可再下單。相對來說，這樣的放題份量不太多，減少浪費，多一份雅致。跟之前用餐體驗不同的是現在用手機點單，方便清晰。可惜精緻茶具及點心，如今都破殘了。有一兩道菜如魚皮泡椒、炸奶酥還不錯。其他是價格同質素成了正比，不可能過於期盼了。

非常差奉勸你唔等得唔好嚟帶住小朋友嚟食午餐點心任食放題等咗一個鐘頭一樣熱食都冇嚟過仲要同我哋講話90分鐘用餐時間一個鐘之後我哋問佢哋點解啲嘢未到佢先至同我哋講話可能廚房出唔到單叫我哋逐樣落過心諗點解你廚房出唔到單唔同我哋講？點解等咗成個鐘先至要重新落過單？肚餓到飛起一個鐘之後仲要等仲要諗係咪90分鐘乜嘢都冇食過就要走?

事隔唔夠一個月又黎到銅鑼灣名館😌真係好夠衰架咁快又黎食🤪因為免費優惠卷所以我地又上黎食片皮鴨😂京城四錦片皮鴨(free)今次真係搞唔掂 切個個人我地估應該唔係師傅黎 切舊片皮鴨切到啲肉同皮一齊 應該係話佢切到多肉少皮 同上次個師傅比差得好遠 佢嘅切法搞到啲肉都有啲鞋🥲茄子炆鴨件$88呢個都冇上次咁好食 而且得好少茄子 個汁又冇咁好味鎮江水晶餚肉 $58朋友鍾意食所以每次都嗌 同上次一樣，出邊啲餐廳好食啲風沙脆魚皮 $78好食好熱氣🤓完全停唔到口 好彩我哋六個人share食 如果唔係就太膩蜜椒脆薯牛柳粒 $118第二次食一樣咁好食 出邊多數都係好多薯仔好少牛肉呢度反而掉轉🤣冰鎮鮮菠蘿咕嚕肉 $158呢個都係覺得一般 唔夠凍 得第一下放上枱個下有啲煙靚靚地 菠蘿都幾多嘅啫啫唐生菜 $98呢個大家搶住黎食😋個汁好惹味 陳醋珊瑚海蜇 $68好鹹😂鹹到要即刻飲水但好食既乾炒牛河$108份量唔算好多 但牛肉就比較多風味口水雞$68唔算好辣 啲雞肉幾滑嘅👍🏻泰國椰青$42勁大個椰青 飲極都仲有好多仲要好清甜💛

呢間烤魚放題唔錯，難得食呢啲串燒可以環境咁靚，環境好！服務員有禮貌！野食任叫都幾好食又夠熱🤩🤩肉既份量唔會太多，可以使好多肉嘅款式，個蓮藕仔好得意好食，酸味味，好爽、好開胃👍🏻

朋友有張片皮鴨免費嘅優惠券 要提前兩日book位同埋要六人以上先可以用呢張優惠券 所以上星期約齊人就上去啦京城四錦片皮鴨$498(free)嚟到都幾大隻 喺側邊俾我哋打卡先之後就會喺我哋面前切 師傅擺款幾靚 片皮鴨有四種醬點 但係我自己都係覺得甜醬最夾 佢塊皮同出邊唔同係有加蛋落去嘅所以會見到黃色茄子炆鴨件$88師傅切完片皮鴨問我哋加唔加$88兩食 見加$88唔係好貴我哋一如唔好嘥試埋 又幾好食啵 茄子炆到好淋加上佢用個煲熱住所以好好食 呢個掛住食唔記得影冰鎮鮮菠蘿咕嚕肉$158唔算真係好凍 但賣相幾靚嘅 咕嚕肉塊皮淋淋地既 以為會脆身 份量都多既蜜椒牛肉粒$118份量有啲少 牛肉幾淋椒鹽魷魚鬚$98無咩椒鹽味 但份量多 大大條幾爽口 招牌酸菜魚片$288酸菜多 魚片份量都ok嘅但略嫌比較散 薯粉得勁少又好幼 每人都唔知夾唔夾到幾條😂想額外加又唔得🥲 唔係幾抵 寧願嗌多兩個小菜領江水晶餚肉$58正常藥膳雞腳$58藥膳味唔算好濃 唔鍾意呢個味嘅朋友都食到 脆奶一口酥（6件）$58好食👍🏻熱辣辣整起外脆內軟 想再叫點知已經last order咗🥹泰國椰青 $42大大個 好清甜好夠凍

名館曾經係我最喜歡嘅食肆之一，今日再去，應該係最後一次….坐底無耐，侍應哥哥就比咗餐牌我哋，話除咗套餐外，都係用手機點餐… 再望吓個餐牌，點解會有串燒同烤魚嘅，仲要係$388任食🤔🤔🤔都知伏伏地。經過侍應姐姐落力推介，我哋叫咗個套餐，$168位。有六個點心，兩個小食同一個炒粉麵。個鮑魚雞粒炒飯一食落去，咁甜嘅😌，MSG 呢。但MSG 都掩蓋唔到雞粒嘅雪味。 粒鮑魚仲細粒過d 雞粒，其實大小唔係問題，好食就得，但粒鮑魚仔超韌😅。蒜蓉蒸排骨同牛肉夠都係一陣雪味。籮蔔糕應該穩陣啦啩，但竟然有d 腥味，應該係d 蝦米，大量胡椒粉都幫唔到件事。叫咗九樣嘢，除咗炒飯，餚肉同腸粉係接受到嘅，其它都😓。如果佢哋老板覺得咁嘅水準係過到骨嘅，只怪我太年青，無知嘞。PS 仲有個免費甜品，唔知乜嚟😆應該係蘆薈加d toffee sauce。

以前以為名館只有點心食，最近發現原來有烤魚+川菜小食+串燒，水準仲要幾好👍🏼🐟招牌酸菜烤魚（江團魚）$298- 江團魚大大條，骨比較大，食落去啖啖肉，肉質白雪雪，口感彈口，幾有水準！😋烤魚可以選辣同唔辣，都好多配料如芽菜、酸菜。食過魚後更可以淥其他配料！- 當日點左鴨血、午餐肉、萵荀等，好多款都係$18，超抵食。【出色小食x串燒】個人推介必食埋餐廳嘅串燒+小食，真係有驚喜！而且好多串燒都係$18，幾抵食！🌟香辣糯米釀雞翼$58（4隻）- 意想不到地好辣香惹味，入面啖啖軟淋糯米+雞肉，辣得來口感幾特別，正！真係可以話必食～❤️🍢 羊面肉串$18- 呢款係超級香羊肉味，肉質有嚼勁。上面嘅調味令味道昇華，真係幾出色（ps記得要趁熱食！）🍢 羊肉串$18- 估唔到竟然有d羊肉軟骨，肉質軟香，配上herbs味道幾好。🍢雞肉串$18- 孜然粉好惹味，外層烤得香脆，入面肉質嫩另外仲點左🍢單骨雞翼串（$24） 同 🍢菠蘿串（$20）。ps 之後已經來點了幾次香辣糯米釀雞翼外賣😋😋

繼上一次食完佢哋係點心放題之後，覺得名館食物嘅質素都唔錯，所以今次再過嚟試咗佢哋平日嘅午市套餐😆套餐，包咗一碗私房靚湯同埋一碗白飯，燉雞湯好夠火喉，而且入邊仲有啲湯渣，足料呀😆🥢招牌酸菜滑魚片($88) 叫得招牌就梗係要試吓啦，一上枱已經feel到佢氣派十足🤣有一個高壺熱住啲魚，唔怕食到凍哂☺️魚既份量超多，偏酸，好啱送飯食😇🥢口水雞套餐($78)配咗一個前菜醃青瓜🥒同埋菜心，雞嘅口感好滑😍鹹香到啱啱好，而且食完會有少少麻😆🍸套餐加錢叫咗兩杯特飲，分別係青瓜青檸梳打同埋柚子青檸梳打，兩杯都大大杯超爽超解辣😚後者加埋黑珍珠口感更豐富🥰整體嚟講，喺希慎food court以外食到咁樣嘅價錢，同埋咁樣嘅質素😄回頭率相當之高👍🏻

幾個friend話要搵個舒服嘅地方，食酸菜魚，上網睇一睇，見到呢間名氣幾高，就去試吓。中式現代化嘅裝潢，牆上掛咗一啲中國墨水畫、餐廳放置左屏風，餐枱用咗雲石嘅風格，帶出少少高貴感。🐠🐟完整一條魚，魚肉鮮甜，而且有咬口，令一個平時唔食魚嘅朋友都覺得唔腥，可以自己選擇麻辣嘅重度，魚下面有雲耳、娃娃菜，魚面放滿大量蔥、花椒粒、炸豆、白芝麻，賣相靚之餘又好香口。另外一題條魚係煎完，先再放落湯底，比起煮嘅烹調方法，味道更香，而且更加有口感。食完之後我哋點左，牛肉🐮片，雪花紋好整齊，口感有嚼勁，牛味都幾出。💡🤟🏻必點炸魚皮，保證大讚，新鮮自家炸，超酥脆，仲有金黃蛋黃香，一疊有成十幾舊，我覺得五六個人share都得。另外點左秋葵，酸酸嘅醬汁好開胃，作為前菜健康又好味。另外值得一提嘅係佢哋嘅孜然雞翼好有四川串燒風味，鍾意食孜然粉嘅朋友唔好錯過。燒菠蘿好甜，仲要係不個菠蘿切出嚟。淨係覺得呢間餐廳質素好唔錯，仲要環境幾闊落，坐得幾舒服。

名館到晚飯時間會有不同中菜選擇，而且在銅鑼灣，地點非常方便，若果一班朋友慶祝，都是十分合適！晚上重點推介的有酸菜魚，魚的肉質都不錯，而且頗新鮮，我們還點了土豆絲、炸饅頭等菜式，質素尚可以！👌🏻酸菜魚頗為大份，而且朋友們一起圍爐吃，氣氛相當好，而且環境十分舒適，都是非常光猛舒適，而且坐得非常舒服，如果家中屋企人喜歡吃中菜，名館都是一個不錯的選擇，因為食物相當多元化，可以滿足不同人的喜好，如果想不到吃什麼中菜，這間可以一試👍🏻

名館的放題推廣一向頗吸引我，以前品嘗過點心放題性價比甚高，今次推出烤魚放題又再次令我步進餐廳，同樣也沒有令我失望，回頭率高門外貼上及放有烤魚相關的推廣品，大大烤魚海報甚為吸引，還提供外賣服務在家享用內裡裝橫與上次到訪一樣，同樣走高雅中式風，不一樣的是已設有烤魚區，放有烤爐準備就緒，枱及座位之間寬敞，環境企理光明，碗筷整潔，烤爐亦十分乾淨，整餐晚餐吃得十分安心烤魚有3款湯底選擇有辣、麻辣及酸辣，送安格斯牛肉一碟，更可任食13款配菜、12款小食及任飲汽水，而且食物質素甚高，份量豐富，每位$388十分吸引酸中帶胡椒辛辣，辣度溫和之餘暖胃，而且湯底唔油，魚烤後再浸湯底魚邊都帶脆口，魚肉多且嫩滑，只偶有大骨容易入口意想不到贈送的一碟安格斯牛肉也如此豐富，大約有20片，肉質十分出色的一碟牛肉，肉色鮮艷解凍良好無血水，雪花明顯且平均，加上牛肉切割有厚度，帶咀嚼同時肉質軟腍共13款配菜，嘗試了以下數款：蟹柳：大概有8-10條，熟後屬於結實非脹糊質地.紅薯粉：熟後十分滑溜易咬開，但太碎好難夾.鴨血：有彈性爽口，但無醃製或調味，又未能滾時充分吸收酸菜湯底，所以味道單調，勝在無腥味～.腐竹：滾後都有點硬，豆