巢私厨川菜 (Under Renovation)

平時出去食飯大多數都係食西餐同日本野。今次想食啲平時少機會食嘅，上網search過見到評價唔錯所以就揀咗銅鑼灣呢間私房菜。其中一位朋友見到乜都想試，所以我哋都叫咗唔少餸。但因為我哋三個人都唔想咁熱氣唔想食辣野所以就冇嗌招牌嘅水煮魚或者酸菜魚。當晚客人唔多所以點嘅餸上得好快。先講涼菜方面，我都唔明白點解全部都偏酸，連菠菜都係，真係食得酸嘅都酸到面目猙獰。其他菜式只有茄子同擔擔面係比較出眾，最令我失望嘅係紅燒肉，同平時嘅紅燒肉比起冇乜色水，味道真係好普通，所以都冇食晒。試過一次應該都唔會再試了。