豊洲水産海鮮丼専門店 (Closed)

香港依家越來越多自稱產地直送嘅日本食店, 呢間都唔例外! 但一講到產地直送好自然會對佢有較高要求同期望, 而其中一個原因係佢一D都唔平, 甚至乎可以話貴! 食一個 lunch 要 $228 + 10% 值唔值呢？呢個帆立貝招牌刀琢飛天黑鮪魚腩蓉丼, 碗丼入面有佢主打嘅刀琢黑鮪魚腩蓉, 再配合帶子、三文魚籽、甜蝦、鮑魚及特製醬油煮蛋, 仲有柚子碎、山芋粒、青瓜粒, 跟一碗麵豉魚湯。上枱第一件事係要飲左個湯先, 因為入面有魚肉, 唔襯熱飲應該會腥唔好飲, 而 waiter 見到你食飯先而唔係飲湯先佢亦會開口同你講 "襯個湯熱飲起上黎會好飲D"。講到個飯, 份量係夠嘅，海鮮亦係新鮮貨, 但唔知點解成個丼最凸出嘅竟然係隻蛋! 真係好好味。而柚子碎+山芋粒+青瓜粒撈飯亦係一個亮點, 食落好清新。