友利冰室x勿當奴 (Closed)

有一日我係網上睇到友利坊啲人話燒味好好食，啲叉燒半肥瘦好正，就算佢唔係半肥瘦既都好淋，燒鵝香，乳豬脆...點點點！我就中午去踩踩點，話說乳豬係搶手貨，第一句就問有冇乳豬，回左一句「冇晒」。我就懷住遺憾叫左個燒鵝叉燒飯餐，靚女就話碟頭多啲不過就冇碟菜，咁我肚餓緊係碟頭飯，菜選擇唔要啦！呢排冇咩湯水飲，叫多盅靚湯飲下，黎到係碟頭，不過唔係話多啲架咩？食第一啖燒鵝，冇咩特別，第二啖叉燒，真係嘩一聲...好硬好（鞋）。我就求求其其食完飲埋盅湯就走人，走人果時我望下隔離枱睇下食啲咩，點知係叫其他飯...全部都冇人食燒味！湯睇落好多料，但冇乜味！（好在飲完唔口渴）都仲可以