Video
Read full review
6 day(s) ago
0 views
今日帶咗🐶大佬嚟到將軍澳嘅澳南海岸飲啖茶食個包，呢度好多嘅舖頭大部份都係寵物友善餐廳，食完晏仲可以沿着海旁散步添👍🏻，真係放狗一流，講到可以望住靚景一盅兩件仲要可以帶狗嘅點心餐廳真係少之又少，但呢度的確有一間喎，就係🥟DHYC restaurant 得閒飲茶🥟，望住個海景真係一件賞心樂事😍，雖然大佬唔食得，我哋都識做嘅，帶定啲點心過嚟，咁就齊齊有得食啦😆，我哋就叫咗幾款點心，其實除咗點心仲有其他嘅炒粉麵飯，都算係款式較多嘅中式餐廳😋🦐窩貼蝦多士 $88 :我哋叫咗幾款必食嘅點心，其中就係呢一款蝦多士，佢嘅醬先係重點🤤，唔係淨係沙律醬咁簡單，裏面仲有鮮果肉，咁樣嘅配搭唔會食滯之餘仲幾開胃添，多士炸到超鬆脆👍🏻，基本上佢哋嘅炸物都係熱辣辣，即叫即整🤤，裏面嘅蝦肉相當豐富，仲有五大件咁多添😆🥟懷舊灌湯餃 $68 :另外呢一款灌湯餃並唔係浪得虛名，佢裏面嘅湯汁超多🤤🤤，大概有半隻手掌咁大，皮薄餡靚，餡料有松露蛋，仲要係有流心嘅蛋黃，食一件等於兩件蝦餃，份量真係唔惹少👏🏻🥟蝦餃 $42 :蝦餃就有四大件，見到佢哋外層嘅皮晶瑩剔透，食落比較煙靭👍🏻，裏面嘅大蝦新鮮彈牙，加上豬肉餡，就係超傳統好食嘅
🦐窩貼蝦多士 $88 :我哋叫咗幾款必食嘅點心，其中就係呢一款蝦多士，佢嘅醬先係重點🤤，唔係淨係沙律醬咁簡單，裏面仲有鮮果肉，咁樣嘅配搭唔會食滯之餘仲幾開胃添，多士炸到超鬆脆👍🏻，基本上佢哋嘅炸物都係熱辣辣，即叫即整🤤，裏面嘅蝦肉相當豐富，仲有五大件咁多添😆
🥟懷舊灌湯餃 $68 :另外呢一款灌湯餃並唔係浪得虛名，佢裏面嘅湯汁超多🤤🤤，大概有半隻手掌咁大，皮薄餡靚，餡料有松露蛋，仲要係有流心嘅蛋黃，食一件等於兩件蝦餃，份量真係唔惹少👏🏻
🥟蝦餃 $42 :蝦餃就有四大件，見到佢哋外層嘅皮晶瑩剔透，食落比較煙靭👍🏻，裏面嘅大蝦新鮮彈牙，加上豬肉餡，就係超傳統好食嘅蝦餃🙌🏻
🐮牛肉球 $38 :牛肉球就比傳統嘅酒樓偏大粒，底層嘅枝竹當然唔少得啦，而牛肉裏面包住嘅芫荽係幾香嘅，牛肉味都較重，唔錯👍🏻
🐷焗叉燒包 $38 :呢款就好似墨西哥叉燒包咁，外層係好似菠蘿皮，而裏面就包住叉燒餡，咬落相當軟熟，口感一流，裏面嘅叉燒餡又夠多，唔會一味得肥豬肉😋
🥕蘿蔔絲酥餅 $42 :佢哋仲有幾款素食嘅點心，其中呢一款就係蘿蔔酥，外層嘅皮層層分明，食落超酥脆，裏面嘅蘿蔔絲多到滿瀉，淡淡地食落又唔覺膩
🥟韭菜金錢蟹盒 $55 :最後呢一款就係廚師推介嘅韭菜餅，佢將外層炸到金黃色😍，咬落去有超脆嘅聲音，裏面包住滿滿嘅韭菜蟹肉🤤，韭菜味夠香，相對蟹肉都唔少，必食之選🙌🏻
Post
