金牌源記大排檔 (Closed)

某日去深水埗八仙餅家附近逛逛，斜對面条叫做耀東街有間叫金牌源記大排檔，牆上貼出相當吸引小菜相片，嘩！嘩！嘩！歷史文物啊！（大鄉里，不是成日見到大排檔食肆）望落去，街道很短，自成一角，不太多人經過，放了幾張圓枱，地方頗為清潔，盡頭是聖方濟各學校既教堂，環境不錯，別有一番風味！ 源記小炒皇 二話不說，試下另類風味先，先來過源記小炒皇，內容豐富，有新鮮既魷魚鬚，白飯魚仔，外間比較少見既咸腩肉，腰果，蘿蔔乾，當然還有九菜花（朋友話，好幼，當然幼嫩的話，是不會粗身的，他不識貨嘛！）真的惹味非常。 香脆南乳骨 跟住來個香脆南乳骨，近來豬肉貴，屋企買少左，現在補償番下，又一個香脆惹味，吃到停唔到口, 即叫即炸, 件數多, 大大碟, 而且碟底無油, 食得出師傅炸功功力深! 雞蛋焗魚腸 第三個餸是奉 行我的宗旨而叫的～屋企唔係咁易整到的登登登----雞蛋焗魚腸，這味是最後珊珊來遲，足見是幾多功夫，來時新鮮滾熱辣，吃到中段仍有輕煙裊裊，保持溫度，相信這菜式不是很多食肆有供應的😋 源記炒飯 最後叫個源記炒飯，是用新鮮魷魚，幾大只既鮮蝦，蘿蔔乾，雞蛋，飯粒蝦仔飯，是我所好，值得一讚炒是