Aster Cafe (Closed)

失望到要寫人生第一篇食評 今日同男友去觀塘搵cafe食做咗成個鐘research，終於決定試呢間 入到去坐低見到周圍都係師奶，侍應，廚師，食客都係。無問題既，只係同想像中有啲出入。侍應埋嚟問我哋： 你哋食唔食今日嘅“薯啤數"？ 諗咗10秒先get到原來佢講今日嘅special😅 我哋嗌咗兩個普通set lunch… 牛腩：啲肉硬到好似湯渣啲一絲絲既瘦肉咁😓 豬肩肉： 乾到我覺得自己求其煮都好味過佢 餐湯：好稀 芝麻咖啡：稀，落左糖都好苦 果汁：冇誠意，係樽裝果汁嚟，非常甜 對唔住冇一樣嘢係好食😖 好失望因為做咗成個鐘research竟然決定左食呢間。