Aster Cafe (Closed)

約了朋友夫婦二人到官塘區晩膳,太太提議去這間位於商厦的樓上咖啡店。崇尚健康,盛載蔬果的玻璃瓶與香薰爉燭擺設,配合餐廳的主題,又增進食慾!晚餐有8款選擇,因有點飽,主菜點了沙律, 朋友都點了雞胸扒分别配薯菜及糙米飯。南瓜湯~香濃幼滑,味道不錯! 以醬汁伴碟邊,美觀又方便!巴馬火腿鮮果配𣏌子汁($128 晚餐H 的主菜)~新鮮蘋果、香橙、火龍果、車厘茄已經人見人愛,以杞子汁作沙律醬,味道與巴馬火腿、生菜、紫椰菜非常配合,清新又可口!香葱煎雞胸扒磨菇配香草汁 配薯菜/ 營養飯($118 晚餐C 的主菜)~金黄色的雞胸扒配香草汁,肉質纖盈低脂卻不減滋味,底層墊了冬菇、青瓜、翠玉瓜、西蘭花,頂部綴上黑松露醬,加添田園風味,有綠色力量先行,吃得更健康!餐牌還列明精選菜式,但製作需時,須兩天前預訂,價錢另議, 讓客人有更多選擇。.室內麻雀雖少,五臓俱全。在擺設和佈置上,店主花了些心思!推開門通往室外ㄧ大片空地,可供燒烤之用,有數十人的聚會,可包場開派對!食物健康怡人,氣氛温馨而親切!閏密或三數知己相聚聊天,這店是個不錯的選擇!

平時外出食飯總係熱氣,油膩,高脂,好有罪惡感,今日同同事傾開偈佢話觀塘有間樓上Cafe主打健康主食但又不失美味嘅私房菜,我二話不說就約埋朋友一齊去試下.來到店已經感覺到係有營食肆，環境好舒服，黑板畫上會寫上今日嘅推介菜式.先來個沙律,真係令我一大驚喜,試想下無花果,橙如何可以與沙律混為一談,這就是老闆娘嘅功勞,更值得一讚嘅係醬汁係老闆娘親自用杞子打成嘅汁,好健康又好味.煙三文魚, 沙律菜, 無花果, 橙,再加上秘制杞子汁,第一次試就愛上了這菜式.日本活性水飼豬扒配香草汁,賣相好吸引,老闆娘好有心細和藝術細胞.把碟裝飾得很漂亮.真係有啲唔拾得食.切開豬扒時我已覺得好軟,一入口香草嘅清香配上軟滑嘅豬扒真係好好味,但又唔會油膩,我仲意. 美國特級牛西冷扒配燒汁,扒也是我嘅至愛,因為太熟就”鞋”,太生又怕.但今次牛扒熟度啱啱好,入口輕輕咬就開,燒汁唔會遮蓋牛肉嘅香味.配合得很好.牛扒下面仲有好多菇,D菇都好入味,好好食盲鰽魚柳菠蘿配鮮茄汁, 盲鰽魚微微煎香,仍保持到魚嘅鮮滑. 加上菠蘿.酸酸甜甜好醒胃.再配上健康紅米飯.德國豬手, 份量足, 老闆娘很貼心把豬手切開,方便進食. 豬手好林滑,又唔

中午同同事黎搵好野食，難得觀塘好多隱世餐廳，呢間就係其中一間。呢間位於觀塘港貿中心，夠哂隱蔽餐廳地方唔算好大，牆身有啲裝飾都幾靚Menu方面唔算多野揀，反而簡簡單單更容易令人選擇。最後我揀左D.日式鰻魚飯$78飯唔係一般嘅白飯或者日本珍珠米，而係用咗糙米，感覺10分健康，飯嘅軟硬度適中，鰻魚數量都岩岩好，醬汁亦唔會搶走哂成碟飯嘅味道。配菜都好好食，感覺好健康！飲品揀左即磨咖啡+$4杯咖啡反而令人大失所望，成半杯都係泡仲要+$4，可惜⋯其實佢個飯係真係幾好食，夠晒健康，反而係飲品令人失望，建議佢哋可以係飲品方面落多少少心機💪🏻

觀塘既樓上cafe愈開愈多，想試晒簡單無咩可能，今次就黎到港貿中心既樓上cafe 搵食。上到2樓轉右就見到大大個aster cafe既字牌是日lunch set，餐湯係甘荀南瓜湯我叫左個辣燒汁既豬肩肉炒意粉，我好欣賞有好多配菜，豬肩肉都好入味，只係個汁怪怪地。朋友叫左個鰻魚飯，同樣有好多配菜，呢度既飯會加入紅米，感覺好健康餐飲叫左杯熱咖啡，佢呢度既咖啡都有拉花，感覺好有誠意，咖啡幾香，幾濃，有番一定既水準

失望到要寫人生第一篇食評 今日同男友去觀塘搵cafe食做咗成個鐘research，終於決定試呢間 入到去坐低見到周圍都係師奶，侍應，廚師，食客都係。無問題既，只係同想像中有啲出入。侍應埋嚟問我哋： 你哋食唔食今日嘅“薯啤數"？ 諗咗10秒先get到原來佢講今日嘅special😅 我哋嗌咗兩個普通set lunch… 牛腩：啲肉硬到好似湯渣啲一絲絲既瘦肉咁😓 豬肩肉： 乾到我覺得自己求其煮都好味過佢 餐湯：好稀 芝麻咖啡：稀，落左糖都好苦 果汁：冇誠意，係樽裝果汁嚟，非常甜 對唔住冇一樣嘢係好食😖 好失望因為做咗成個鐘research竟然決定左食呢間。

觀塘工廈入面一向都好多好嘢食, 有時唔知食咩好, 都會嘗試同朋友去發掘下。 今次試嘅呢間aster cafe 就係其中一個非常高質嘅選擇去到餐廳點完餐後， 店員就為我哋送上咗兩本雜菜湯。 雜菜湯飲落酸酸辣辣咁， 入邊嘅材料亦都相當之豐富 ， 係開胃嘅好選擇。麵包烘得非常香脆， 上面亦都充滿咗牛油同香蒜味， 點埋上面嘅雜菜湯食非常適合。我哋分別叫咗個有機青口虎蝦帶子沙律同埋蟲草花菇面治和牛配飯。 青口沙律非常之足料， 有大大粒嘅帶子同蝦。 沙律食物又非常濃厚嘅香草味， 食落感覺非常之健康弓。蟲草花免治牛飯係我今餐嘅最愛， 牛肉上面嘅蟲草花菇咬落非常彈牙有口感。 牛肉外面煎得非常香脆， 入面嫩滑多汁，煮得非常入味。飯後甜品係藍莓芝士蛋糕， 都相當之唔錯弓。

星期日喺apm同朋友shopping完就去附近食嘢 選擇左Aster cafe 餐廳唔係好大但係坐得舒服 佈置得好靚 牆上有好多掛畫同埋乾花 營造左一個溫馨嘅感覺 叫咗個紐西蘭肉眼扒配燒汁跟飯 肉質鮮嫩 可以點埋個芥辣 飯面鋪上一層奇亞籽 食落感覺好健康 加埋其他配菜菇類 夠曬飽肚是日餐湯係南瓜湯 湯味好濃 配埋法式麵包 餐飲我叫咗個熱檸茶另外就叫咗個盲鰽魚柳蘑菇配辣海鮮汁 跟飯 魚柳好厚身 個汁唔會辣 食埋其他配菜 好夠飽 餐飲叫咗杯熱嘅柚子茶 甜甜酸酸 最後加埋個甜品蛋糕 食落口好清新 有果香味 甜度啱啱好 蛋糕面上重鋪咗百香果籽 食落都幾得意㗎

觀塘區原來都幾多好野食，朋友今次帶左我去apm附近食西餐～可能始終唔喺apm入面，相對無咁多人環境都幾舒服，睇得岀有用心佈置過menu方面都有唔少Set dinner選擇，價位百零蚊有個，晚市黎講認真唔錯！我地一人叫咗一個set，一個係青口虎蝦黑松露炒意粉，另一個就係煙三文魚牛油果沙律配紅莓汁，每個set都有南瓜湯同蒜蓉包附上，南瓜湯味道一流！沙律都認真唔錯，紅莓汁酸酸甜甜咁好開胃好fresh，煙三文魚都好新鮮，份量又幾多～松露炒意粉都好惹味，配埋青口海蝦變得好鮮甜！再黎叫左個熱情果cheesecake做甜品結尾～

之前一位朋友帶我到此餐廳品嘗,已經覺得好美味。於是今天帶我妹妹來, 水準依然。 說實話,這裡百幾蚊一個SET DINNER, 實屬抵食。而且選擇不少, 有9個SET DINNER可以揀選。 是晚牆上寫著Today special套餐, 二話不說就揀了這個餐。Today special 包括有紫薯湯 平時飲開都是忌廉湯或羅宋湯。所以這個紫薯湯都幾特别,而且味道不錯, 飲到啖啖的紫薯蓉。 仲有蒜蓉包送Today special主菜:美國牛仔骨配黑椒汁跟營養飯牛仔骨份量十足, 大過手掌。燒得焦香。七成熟, 很嫩滑。值得推介。配上糙米飯, 是健康之選。 叫了一個沙律, 有機青口虎蝦鮮果沙律配杞子汁 這個沙律賣相吸人,有蝦,青口,橙,蘋果,火龍果,沙律菜,五顏六色,用料豐富。配上自家製的杞子汁,另有一番味道。最後要了甜品和熱朱古力作結，滿足的一餐。

放工去了平時食開午市的Aster Cafe。晚市價錢相對較貴，但都是百多元一個晚餐，比外面的便宜。蘑菇湯有些蘑菇粒，而且完全無味精，味道亦不會太咸，而蒜蓉多士是新鮮即焗，多士焗得鬆脆。我叫了七成熟的紐西蘭肉眼扒配燒汁，切開中間還帶粉紅色，裏面有肉汁，外面煎至微焦，肉質有咬口，旁邊有些多色蔬菜，配襯吸引，薯蓉幼滑。朋友的盲鰽魚柳蘑菇配海鮮汁，盲鰽魚肉雪白，表面煎得微脆，紅米飯健康，旁邊都是配有大量蔬菜。這裏的主菜全部都配有適量的蔬菜，啱哂平時多肉少菜的朋友。最後飲埋杯熱檸茶去油脂。

朋友帶了我去觀塘APM附近的樓上餐廳食晚餐。我們一人點了一個的晚餐。蘑菇湯配蒜蓉多士蘑菇湯味道較淡，可自行加鹽調味，有些蘑菇碎比較有咬口。多士焗得香脆，蒜蓉味香。日本無激素豬扒配香草汁厚切豬扒表面煎得香脆，有豬肉香味，切開裏面有肉汁，比較有咬口，旁邊有大量的蔬菜，如西蘭花、椰菜花等，平衡肉跟蔬菜比例，感覺較健康。有機青口虎蝦黑松露炒意粉大量的蔬菜及海鮮炒伴在意粉內，色澤鮮明，意粉佔上了黑松露香味，但偏硬身，虎蝦已去殼只剩尾，方便食用。

地點易搵，APM直接行去，非常方便食物味道不錯磨菇湯一上枱就很香引鄰起食慾，再來是鰻魚磨菇炒飯味道剛剛好，不過可以磨菇太好蓋話主菜既味覺遺憾是咖啡機壞了，很多飲品都沒有得選整體來講係可以再來，但坐下來前問清楚有咩缺貨，才不會失望

今日午飯時間，又係諗去邊度食嘢嘅時候，同事帶咗我哋去一間觀塘工廠區的餐廳，公司一向早過其他人放食飯，好彩唔使排隊，四人行三個都揀咗魚柳芝士漢堡配薯條，另外一個揀咗法式慢煮腩肉。个豆蓉濃湯好好飲，如果可以加埋麵包會更完美 呢個漢堡真係好好吃，大家食過讚不絕口，薯角又係另一個亮點， 加埋一份沙律菜的確好受OL們歡迎。慢煮豬腩肉最啱我，啖啖肉，煮得好林，個豬腩肉醃得好入味，個汁送飯最正，廚師加咗紅米，健康之選，食飯先至夠我飽

早排飽受腸胃炎之苦，無淡好食之餘食咩都無心感老公有見及此決定要令我吃得健康但又吃得開心今日老公就帶我黎到位於巧明街港貿中心二樓嘅Aster Cafe原來港貿中心是連接住APM, 搭地鐵或揸車也十分方便Aster Cafe 位於二樓一出𨋢右轉，非常容易搵到店內也是滿滿花花裝飾，別具心思menu選擇也蠻多最後和老公點了一份沙律和長通粉點選完餐首先店員上了餐湯，後上多士餐湯是甘荀湯，香濃結身，而且十分大碗。冷冷天氣下吃十分暖胃。配新鮮的香脆蒜蓉西多簡直一流。蒜香多士脆而不燶，配上濃湯感覺溫暖我們點了S1餐煙三文魚牛油果沙律配紅莓汁($138)沙律上配紅莓汁，酸酸甜甜十分醒胃，而且感覺清新！另外，牛油果入口即溶，與煙三文魚搭配一流！另外點了G餐雞胸菇長通粉配辣燒汁($128)長通粉帶點微辣，十分惹味！而且雞胸煮得非常香口，一點也不馬虎！另外蘑菇亦十分入味，內裡有翠玉瓜及蔬菜令整碟長通粉變得不一樣，老公和我都食唔停口，強烈推薦！餐茶只是普通的點了熱檸茶和凍檸茶最後和老公未夠喉，所以也加配了甜品豆腐黑芝麻(+$20)硬硬的豆腐加上糕狀的芝麻糊入口竟然更有新鮮感另一款是藍莓芝士餅(+$20)芝士餅的

午餐於人多車多的觀塘說真的於繁忙時間找好地方用膳真不易來到了商廈的樓上小餐館主打健康飲食正合河車是日special午餐是印尼青衣魚柳我就二話不說點了這款配上混有紅米的白飯很健康魚柳煎得香口惹味配上蕃茄汁感覺清新朋友則點了法式牛脷飯牛脷有數片夠足料試了一塊肉質外脆內嫩牛味道亦相當重是非常下飯的主菜半價可享用餐牌內的特飲點了無花果香蕉汁口感滑溜感覺更健康Special午餐包芝麻芝士蛋糕乙客午餐後再有點甜食非常滿足充滿能量再戰下午