Video
Read full review
2023-03-18
939 views
最近呢間經典意大利餐廳推岀左全新單點菜單！餐廳總廚Gianni Stargiotti 於經典意大利菜之中加入創新元素，破格得黎不失傳統意大利菜精髓。特別鍾意開胃菜：生吞拿魚配鴨肝、黑松露、炸芹菜頭丸子，口感層次好豐富！經典嘅Carbonara更會席前製作，視覺效果一流。餐廳環境舒適，味道絕對有保證，不失為約會嘅好地方~𝘼𝙣𝙩𝙞𝙥𝙖𝙨𝙩𝙞▪️ 櫻桃蘋果木煙燻北海道帶子配奥思迦魚子醬及牛油果醬 $368一打開蓋，木香悠悠飄出。帶子軟滑濃煙燻香，牛油果醬軟滑保留左粒粒口感。略嫌帶子鮮味被煙燻香搶過風頭，還好有魚子醬增添鮮味鹹香。▪️生吞拿魚配鴨肝、黑松露、炸芹菜頭丸子及辣根醬 $388好奢華嘅三文治！吞拿魚軟嫩 魚味濃郁，鴨肝滑腴肥嫩 油香不得了，一大片黑松露 香氣十足。最底嘅芹菜頭丸子外脆內軟，意外地清新，解膩一流！個人就鍾意食左頭三層先，成個感覺勁滿足，最後食返清新嘅炸丸子，就可以一減油膩感~𝙋𝙧𝙞𝙢𝙞 𝙋𝙞𝙖𝙩𝙩𝙞▪️傳統意大利卡邦尼意粉 $298Carbonara有專人席前製作，夠晒睇頭！每一條意粉都裹滿醬汁，芝士味超濃！面頭嘅煙肉香脆唔油膩，意粉中嘅豚肉鹹香之餘更帶油香。食晒成碟都無想像
𝘼𝙣𝙩𝙞𝙥𝙖𝙨𝙩𝙞
▪️ 櫻桃蘋果木煙燻北海道帶子配奥思迦魚子醬及牛油果醬 $368
一打開蓋，木香悠悠飄出。帶子軟滑濃煙燻香，牛油果醬軟滑保留左粒粒口感。略嫌帶子鮮味被煙燻香搶過風頭，還好有魚子醬增添鮮味鹹香。
▪️生吞拿魚配鴨肝、黑松露、炸芹菜頭丸子及辣根醬 $388
好奢華嘅三文治！吞拿魚軟嫩 魚味濃郁，鴨肝滑腴肥嫩 油香不得了，一大片黑松露 香氣十足。最底嘅芹菜頭丸子外脆內軟，意外地清新，解膩一流！個人就鍾意食左頭三層先，成個感覺勁滿足，最後食返清新嘅炸丸子，就可以一減油膩感~
𝙋𝙧𝙞𝙢𝙞 𝙋𝙞𝙖𝙩𝙩𝙞
▪️傳統意大利卡邦尼意粉 $298
Carbonara有專人席前製作，夠晒睇頭！每一條意粉都裹滿醬汁，芝士味超濃！面頭嘅煙肉香脆唔油膩，意粉中嘅豚肉鹹香之餘更帶油香。食晒成碟都無想像中咁膩，芝士味濃得黎唔會太死咸，食完好滿足
▪️自家製烤鴨肉意大利雲吞配巴馬臣芝士汁及陳年意大利黑醋 $198
雲吞皮軟硬適中，鴨肉軟淋肉味重，仲有啲肥膏位。幾鍾意旁邊嘅芝士脆脆，比一般嘅厚少少，香脆唔會太硬，鹹香十足！芝士汁香氣突岀又唔會太thick，加埋陳年黑醋，完全唔膩~
𝙎𝙚𝙘𝙤𝙣𝙙𝙞 𝙋𝙞𝙖𝙩𝙩𝙞
▪️慢煮澳洲羊鞍配香草意大利青瓜、櫻桃茄燈籠椒及黑蒜迷迭昋燒薯 $398
羊鞍肉質軟滑有咬口，多汁帶焦香，唔會太羶。自家製嘅gravy肉味濃郁帶微酸，增添肉味之餘，可中和肉嘅膩。
𝘿𝙚𝙨𝙨𝙚𝙧𝙩
▪️廚師特色意大利馬斯卡邦芝士配雜莓醬
Mascarpone cheese軟滑輕盈，朱古力味幾岀，配埋香甜多汁嘅berries，過到下口癮又唔會太heavy~Post
