Video
Read full review
2019-11-20
1470 views
今日我同朋友兩個人去到太古搵嘢食 見到菜菜鍋 好似幾好冬天打邊爐都唔錯 烚吓烚吓！咁我哋就兩個人去排隊攞飛話說今日係星期三。未攞飛之前我見到入邊都有好多張吉枱（即係客人已經走咗） 應該係人手不足，所以暫時未執嘢轉姐！ 唔緊要我哋等一陣應該好快到我哋。嗰陣時叫到44號 我係48號（因為佢哋有限時90分鐘 我諗佢哋會知道有幾多張枱將會埋單） 我哋好有禮貌咁問個 帶位：唔該 大約等幾耐左右？ 帶位：唔知喎！有機會可能成晚你都未必會等到！ 我：哦 好！ 明白（我心諗佢同趕客有咩分別） 等左半個鐘唔夠就叫到我哋係冇解釋點食法點計法嘅情況下俾咗張細枱我哋 明明我同我朋友都幾大份！ 令人最嬲嘅係遲過我哋入嘅兩張 兩位 佢哋分別都有4人枱坐！ 唔緊要。我即刻問帶位小姐可唔可以換張大啲嘅枱比我地！ 帶位小姐： 冇個喎！我哋係根據客人走，去安排枱。你有冇要求。冇得咁個喎！同埋你哋已經坐低左叫埋鍋 （態度極惡劣）我哋心諗。下。其實佢都見到我哋坐得好辛苦。但係都唔幫我地轉枱。易令人最嬲嘅情況係 佢全程態度都喵嘴喵舌 講嘢又大聲。擺明係同你吵！ 不過我都想講除咗呢個所謂嘅 「態度極惡劣既帶位小姐」之外。
見到菜菜鍋 好似幾好冬天打邊爐都唔錯
烚吓烚吓！咁我哋就兩個人去排隊攞飛
話說今日係星期三。未攞飛之前我見到入邊都有好多張吉枱（即係客人已經走咗）
應該係人手不足，所以暫時未執嘢轉姐！
唔緊要我哋等一陣應該好快到我哋。
嗰陣時叫到44號 我係48號
（因為佢哋有限時90分鐘 我諗佢哋會知道有幾多張枱將會埋單）
我哋好有禮貌咁問個 帶位：
唔該 大約等幾耐左右？
帶位：唔知喎！有機會可能成晚你都未必會等到！
我：哦 好！ 明白（我心諗佢同趕客有咩分別）
等左半個鐘唔夠就叫到我哋
係冇解釋點食法點計法嘅情況下
俾咗張細枱我哋 明明我同我朋友都幾大份！
令人最嬲嘅係遲過我哋入嘅兩張 兩位
佢哋分別都有4人枱坐！
唔緊要。我即刻問帶位小姐可唔可以換張大啲嘅枱比我地！
帶位小姐： 冇個喎！我哋係根據客人走，去安排枱。你有冇要求。冇得咁個喎！同埋你哋已經坐低左叫埋鍋 （態度極惡劣）
我哋心諗。下。其實佢都見到我哋坐得好辛苦。但係都唔幫我地轉枱。易令人最嬲嘅情況係 佢全程態度都喵嘴喵舌 講嘢又大聲。擺明係同你吵！
不過我都想講除咗呢個所謂嘅 「態度極惡劣既帶位小姐」之外。 其他人都好好！
我唔認為我哋係麻煩嘅客人。因為我哋後尾都冇迫佢幫我地轉枱。
不過我對於佢嘅行為態度待人處事既惡劣！ 表示非常之不滿意！ 佢咁樣影響到我成個用餐經驗都好不快！
加上，作為餐廳嘅第一印象，我相信呢位小姐係需要控制一下自己嘅情緒態度，因為佢第一句同我講嘅說話就係：你有可能會成晚都冇得食 （但係明明我見到有好多張吉左既枱)我相信唔會有食客想俾錢買難受!
喺餐廳環境同埋食物都唔錯嘅情況下, 呢位同事對我地嘅心情影響好大 , 我哋最後都係唔愉快咁離開, 雖然我諗我哋以後都唔會再去幫襯! 不過我有責任話比你哋公司同埋其他食客知道呢一件事情!
唔理大家信唔信都好。我係冇需要講大話去沒黑佢。因為我講嘅呢件事係啱啱發生嘅事實！
今日係 星期三 11月20日 大約8pm
唉！
31 views
0 likes
0 comments
Post
