火柴盒

Open Now

Now Closed

帶狗狗去大尾督行下，行完揾間dog friendly既餐廳食飯。 雖然係坐外面，但佢既冷氣都幾涼，唔會話坐得好辛苦。 自助qr code落單，野食都幾快到。食物賣相好得，拉麵係一個tray咁上，筷子用個筷子座套住，唔會四圍碌，細心到好有喺日本食飯既感覺。 2個拉麵味道不過不失，另外仲叫左個燒鰻魚串同燒菠蘿。 串燒全部即叫即燒，可以睇住個師傅喺外面燒，個鰻魚好有驚喜，上枱仲見到d汁跳動，食落好脆，正！燒菠蘿都好大件，不過略嫌燒得未夠，熱d會好食d.Service都好好，見我地食完會主動收野，但叫我地慢慢坐，同埋有問我地d野啱唔啱食。整體體驗唔錯，去開附近會再試。