常吃餃 (Closed)

一向都係餃子fans嘅我平時最鍾意食餃子今日午飯時間去咗紅磡嗰頭搵食，見到依間「常吃餃」專食餃子，標榜唔加味精而且即叫即整就馬上被佢吸引住了佢哋總共有六款餃子選擇，而且有啲仲非常有特色。而我今次就揀咗椰菜木耳豬肉餃試吓，配埋佢哋嘅蕃茄湯上海麵😙可能因為我嗌外賣嘅關係，拎到返去食嘅時候已經冇晒湯俾啲麵吸曬，但係麵質依然唔會太淋，值得一讚！不過佢哋嘅蕃茄湯唔夠濃味，就算啲麵吸曬湯都冇咩蕃茄味；另外餃子方面味道適中，可以食到豬肉同木耳嘅鮮味，但係餡料比較鬆散，而且餃子皮有啲硬，個人不太喜歡，不過整體來講都係Ok的健康之選！