常吃餃 (Closed)

又係去紅磡開會，呢間餃子店未食過，簡單嘅門面，可以話最簡單嘅麵店裝修！草根feel不用等位，午餐有幾款餃子可以揀！價錢抵食椰菜木耳豬肉餃（$54）一碟5隻，餃子像上海式的，皮較厚都幾嫩滑，入面足料，木耳絲爽脆，椰菜清甜，豬肉就少了肉汁！調味不重，沾點醋剛剛好古早味蔥油拌麵（跟餐）上海幼麵彈牙，青蔥都夠，但蔥油無香味，撈勻食仲唔夠鹹味，要自己再加辣醬吊味！一般汽水（跟餐）唔夠凍！希望可以加冰底（加錢都可以）唔夠凍嘅汽水唔好飲同事食：辣菜脯蘿蔔豬肉餃（$56）古早味蔥油拌麵（跟餐）汽水（跟餐）味道ok，店員是姨姨級，爽快唔多說話！上菜收碟爽手！收據只是手寫嘅價錢紙街坊餃子店

芝士餃子可以拉絲，入面仲有薯仔同粟米，成件事超級夾，無論係個餡嘅調味定質感都做得好好，feel到真係好比心機❤️去做好每一隻餃子🥟，個皮唔會太軟，唔會太硬，質感做得岩岩好，入口會feel到餃皮嘅存在，唔會溶左，超級正。章魚餃子🥟味道好特別，我好中意，仲有馬蹄喺入面，雖然我唔太中意咁嘅口感，但應該會有人中意口感豐富D。辣菜葡餃子好惹味，好好食個辣菜莆有鹹香味，應該有落櫻花蝦或者鹹魚粒，超級好食。好少食餃子舖頭我會食完又食，呢間芝士餃子🥟好食到我仲有買埋生餃番屋企煮❤️❤️❤️呢間餃子舖值得推介比更多人食

一向都係餃子fans嘅我平時最鍾意食餃子今日午飯時間去咗紅磡嗰頭搵食，見到依間「常吃餃」專食餃子，標榜唔加味精而且即叫即整就馬上被佢吸引住了佢哋總共有六款餃子選擇，而且有啲仲非常有特色。而我今次就揀咗椰菜木耳豬肉餃試吓，配埋佢哋嘅蕃茄湯上海麵😙可能因為我嗌外賣嘅關係，拎到返去食嘅時候已經冇晒湯俾啲麵吸曬，但係麵質依然唔會太淋，值得一讚！不過佢哋嘅蕃茄湯唔夠濃味，就算啲麵吸曬湯都冇咩蕃茄味；另外餃子方面味道適中，可以食到豬肉同木耳嘅鮮味，但係餡料比較鬆散，而且餃子皮有啲硬，個人不太喜歡，不過整體來講都係Ok的健康之選！

今日放左工係附近見唔係好肚餓就Search到呢間小店就入去試下位置有d難搵 係巷仔入面但值得搵下既 因為有驚喜發現😍試左5隻湯既章魚沙角紫菜豬肉餃🐙同5隻煎既芝士薯仔粟米豬肉餃🌽個人比較喜歡章魚湯餃皮滑同唔太厚 而且湯又好好飲唔會愈飲愈口渴😂再點埋隔離個辣菜甫真係又開胃又好食😋😋😋而芝士餃亦煎得岩岩好唔會好油膩同煎得太燶芝士味亦都岩岩好🤤因為我一個人食試唔到太多味下次帶埋同事黎一齊再試下先😊

中女做咗街坊多年，都唔知道有呢間餃子店，可能條街比較舊，所以冇為意！直至有一次約朋友喺附近食飯，佢話要專登長途跋涉買餃子比佢住喺屯門嘅阿媽，然後放喺冰箱慢慢食....奇怪！咩餃子要專登過嚟買咁誇張？🧐🧐🧐佢特別推介素餃！食餃無數嘅我一定要特登試吓.....🤷‍♀️雖然肺炎，但係都要食飯㗎 ！揀咗食晏之後嘅時段所以都冇人。今次點左個從來都未試過嘅口味：章魚沙角紫菜豬肉餃和辣菜脯蘿蔔豬肉餃配番茄湯底。果然有驚喜！😁😁😁唔怪得知我個朋友要專登過嚟買，孝順母親大人！章魚沙葛紫菜豬肉餃：🐙🐙🐙淡淡吃到章魚嘅鮮味，配合爽脆嘅沙葛，正！但由於章魚比較濃味，紫菜味唔係幾食到。建議可以試吓用黑木耳或增加紫菜份量辣菜脯蘿蔔豬肉餃：食得辣嘅人一定好鍾意！美味爽脆適合鍾意比較濃口味嘅人。湯底我叫咗番茄薯仔湯，配合餃子真係好味！食咗10隻好鬼飽⋯⋯這裏的食物並沒有加入味精，份量足, 所以食完後都不會覺得好口渴。😚😚😚下次試埋芝士薯仔粟米豬肉餃同埋素餃先！誠意用心小店，大家應該支持吓！

没有煤氣唯有出外揾蒜東西吃，上次經過都想試下，今次有機會了，坐低點了兩隻水餃加一個油麵，加上一些辣菜脯，没湯的，食落吾算太乾身，少少油腻感覺。食完一會，没喝水也没有口乾。

試過唔少餃子店，當中最喜愛太子某餃子店。原來紅磡區都開左間餃子店，位於小街的盡頭，外賣點了兩款湯餃。椰菜木耳豬肉(10隻$38), 配豬骨雞湯底。餃子大隻飽滿，餡料多且切得細緻。外皮厚薄適中，不過較易散開。湯底就一般，難跟其他主打老火湯底的餃子店相比。辣菜脯蘿蔔豬肉餃(10隻$40), 配番茄薯仔湯底(+2) - 餡料入面的辣菜脯都幾辣下，喜歡食辣的人會覺得不錯。番茄薯仔湯都算香濃，還有少量番茄和薯仔在湯裡，真材實料。

見佢新開不久，以及U Magazine有介紹就去試試啦！當天試了「芝士薯仔粟米豬肉湯餃配陝西酸辣湯」。餃子🥟味道正常，有芝士。酸辣湯...對於只能吃BB辣的我，我覺得辣咗少少、味道稍稍偏酸，以及此湯只得少許紫菜及蝦皮，便沒有其他材料了總括嚟講都可以再去，下次想試「章魚沙葛紫菜豬肉煎餃」😋