羅麥記 (V City) (Closed)

又一個無所事事嘅下午，就同屋企人嚟到呢一間經常光顧嘅餐廳！雖然成日都來，但每一次都唔錯，有驚喜！今次食咗招牌瑞士汁雞翼撈丁，丁麵例牌的好煙韌，滷水汁十分入味！雞翼好嫩滑！又淹得好入味！好快我哋就將呢一碗麵食晒！另外我哋仲食咗招牌瑞士汁炒牛河，分量估唔到咁多！河粉彈牙，牛肉可能雪得太耐，已經無乜牛肉味，不過滷水汁果然係招牌貨！甜甜地不錯！沙律哈的骰多士，沙律十分之開胃！蝦亦都好彈牙好大隻！多士炸得好鬆脆，麵包亦都好鬆軟，呢一個西多士唔算油膩。呢一間可以算係我哋屋企人嘅家常飯堂，食物一直保持水準，價錢又好合理，選擇範圍亦都好廣，所以我哋仍然會繼續來光顧嘅。