鄭榮記

Open Now

Now Closed

又係朋友專登嚟搵我食lunch，今次行入啲，揀咗呢間。聽聞好似呢間啲雙餸飯係OK，不過當日胃口麻麻，想食啲濕濕哋嘅嘢，所以就叫咗常餐。沙嗲牛肉米粉，加餐肉同炒蛋，跟餐要凍檸茶少甜。沙嗲牛肉一丁點沙嗲味都冇，完全係白烚冇味牛肉片，米粉同湯底味道完全係「福」米，餐肉兩片薄如紙，炒蛋冇咩特別，配上牛油方包一份。凍檸茶少甜都甜到漏。常餐價錢$43，凍飲好似仲要加錢（當日朋友埋單請客）。呢個大排檔我連埋呢間我幫襯過2間，都係覺得難食同貴。