Video
Read full review
2024-09-24
441 views
剛睇完一位茹素YouTuber介紹呢間cafe的短片，估唔到咁快有機會一試。先電話訂位，但當我同朋友周末下午茶時間嚟到，其實冇乜客。餐廳係music cafe，裝修佈置striking，但坐落靜靜地食嘢時，又覺得佢比文青cafe更舒服、清靜（可能係食客唔多而且侍應非常安靜，唔會圍埋吹水）~Plant based delux：呢款all day breakfast有心思，食材多元、豐富；雜菌鷹嘴豆、薑黃椰菜花，自家製薯餅等都係all day breakfast較少見而有特色的食物。牛油果份量足，質素ok；菇同雜豆可能白烚，冇調味，清清地冇乜負擔；薯餅香口；沙律菜新鮮，配黑醋幾好食；黑炭麵包細細件，有2件，因為食物份量多，所以外帶咗洋蔥素肉漢堡：勁大份，自家製薯條係將薯仔直接切成長條，製作用心；朋友讚素漢堡好食，洋蔥炒到帶有焦香甜味。奈何份量大，一般女仔應該食唔曬（尤其我哋要留肚食甜品）Espresso tonic：第一次飲，剛上檯時帶氣，咖啡係fruity；攤凍咗似飲冇氣可樂，幾特別，比起奶啡冇咁漏。我唔知道espresso tonic加咗糖，口味上唔太啱我薑黃麥麥奶：朋友走糖，應該冇原
先電話訂位，但當我同朋友周末下午茶時間嚟到，其實冇乜客。餐廳係music cafe，裝修佈置striking，但坐落靜靜地食嘢時，又覺得佢比文青cafe更舒服、清靜（可能係食客唔多而且侍應非常安靜，唔會圍埋吹水）~
Plant based delux：呢款all day breakfast有心思，食材多元、豐富；雜菌鷹嘴豆、薑黃椰菜花，自家製薯餅等都係all day breakfast較少見而有特色的食物。牛油果份量足，質素ok；菇同雜豆可能白烚，冇調味，清清地冇乜負擔；薯餅香口；沙律菜新鮮，配黑醋幾好食；黑炭麵包細細件，有2件，因為食物份量多，所以外帶咗
Plant-based deluxe
$108
10 views
0 likes
0 comments
洋蔥素肉漢堡：勁大份，自家製薯條係將薯仔直接切成長條，製作用心；朋友讚素漢堡好食，洋蔥炒到帶有焦香甜味。奈何份量大，一般女仔應該食唔曬（尤其我哋要留肚食甜品）
洋蔥素肉漢堡
$128
0 views
0 likes
0 comments
Espresso tonic：第一次飲，剛上檯時帶氣，咖啡係fruity；攤凍咗似飲冇氣可樂，幾特別，比起奶啡冇咁漏。我唔知道espresso tonic加咗糖，口味上唔太啱我
（（前）（跟餐）Espresso tonic
14 views
0 likes
0 comments
薑黃麥麥奶：朋友走糖，應該冇原味咁好飲。飲品呈淡黃色，presentation幾靚
（跟餐）薑黃燕麥奶
$20
13 views
0 likes
0 comments
抹茶巴斯克芝士蛋糕：價錢以堂食而言可接受，份量亦可以；味道好好，抹茶味濃，碟上亦留有抹茶粉；蛋糕唔會過甜/太苦，碟上有清淡忌廉，配合蛋糕食幾清新，非常推薦！
抹茶巴斯克芝士蛋糕
$58
16 views
0 likes
0 comments
Brownie：以素brownie (定生酮？）嚟講幾好食，有朱古力的微苦，唔甜；雖然食唔到合桃碎，但食得出合桃味；我鐘意佢的溫度同presentation，鐵板上，熱辣辣！只有一樣麻麻地，就係用餐當日冇雪糕（扣番$30），我唔確定原本係咪有呢個配搭，就係會喺brownie表面淋上份量頗多的greek yogurt；由於蛋糕熱辣辣，greek yogurt加咗上去變得溫舌，唔討好，而且酸，配本身唔甜的brownie，都幾唔夾（雖然我鐘意食greek yogurt），佢配番抹茶巴斯克芝士蛋糕側邊的清淡忌廉會好啲
Brownie
$58
4 views
0 likes
0 comments
整體而言，Cafe環境清靜，侍應服務唔錯；價錢方面，主食價格合理，甚至比其他同類cafe平，但甜品有少少貴，原本我哋想點芝麻撻，好似$88/$/98，加埋雪糕就$118/128，最後因為售罄而點唔到，但見隔離檯點咗，件撻都幾細~
Post
