芽莊城越南牛肉粉 (Closed)

而家四週圍食飯都加晒價，度度都貴，係鬧巿中竟然仲有平、靚、正嘅越南美食！23/11同同事去搵地方食晏，其中一個話有間正宗越南餐聽，係北河街街巿熟食中心，一行三人就去試下；一去到唔難搵位，有位就坐得，跟手睇個餐牌，飯一啲都唔貴，都係$26-$30，諗住最貴都係 $30 一碟越式三寶飯，價錢好合理。其實我哋一心都係想試下正宗越南滴滴咖啡，所以三個一致，一人一杯餐牌標價 $10 嘅越南滴滴咖啡。所謂三寶即係香芧豬扒、扎肉、雞翼，豬扒醃得好香好好味，雞翼新鮮炸起，熱辣辣、好好味！正宗越南滴滴咖啡，原來 $30 係餐，已包一杯熱飲，所以杯咖啡唔使另計，每人埋單都係 $30，抵呀！咖啡好香濃，正！碟飯好夠食，姐姐禮貌好好，仲同我哋講：「夠唔夠食呀？唔記得同你哋講，唔夠可以叫多飯」　我哋都唔係大食，食完碟飯已經好飽，我同事仲話已經飽了，唔係叫多個生牛河食，不過睇睇餐牌，生牛河都係 $22，下次來真係要試一試！