Video
Read full review
2009-05-16
44 views
今日諗住去深水埗買野+食食食，先去荔枝角鴻星飲下午茶。去到未夠鐘，2:00pm先開始，令左飛仔，出去行一陣，冇咩野好行，返黎岩岩到我，正。點知，入到去，比在個厠所路口2人枱位，個心暗一暗，算啦，照坐。坐低，想講開咩茶，要等。問侍應攞點心紙，要等。點左下午茶全場最平的幾個特價點心:北菇素菜飽--$5—飽身軟綿綿，熱辣辣，冇肉，又幾好食喎。炸順德鯪魚角--$6.8—好普通，街邊炸4寶的炒魚蛋好食過佢。魚翅餃--$8.8—好細粒，望埋去好似有1,2條魚翅，但唔知係真翅定假翅，味道都唔錯的e。麻沙糍--$5—幾軟身，熱熱地，但入邊個D麻沙好似甜過頭。燒鴨湯瀨--$10—呢個真係幾差下，先講份量，瀨粉好少，再講鴨，都係D皮+皮膏，鴨肉加加埋真係冇1舊肉，湯底好咸，疑似味精湯。下午茶$6/位茶+$3/位酸菜(炒魚仔+花生，幾脆+新鮮)2人，埋單$59。呢間酒家，比我感覺服務不太好，唔知係咩人手不足呢?食物，我叫個幾個點心來講，平均只能算是一般。原本想比喊臉架啦，但飲下午茶，幾個點心價錢都真係幾平，唔好咁高要求啦，算ok吧。有機會要去試下晩飯套餐先。
去到未夠鐘，2:00pm先開始，令左飛仔，出去行一陣，冇咩野好行，返黎岩岩到我，正。
點知，入到去，比在個厠所路口2人枱位，個心暗一暗，算啦，照坐。
坐低，想講開咩茶，要等。
問侍應攞點心紙，要等。
點左下午茶全場最平的幾個特價點心:
北菇素菜飽--$5—飽身軟綿綿，熱辣辣，冇肉，又幾好食喎。
炸順德鯪魚角--$6.8—好普通，街邊炸4寶的炒魚蛋好食過佢。
魚翅餃--$8.8—好細粒，望埋去好似有1,2條魚翅，但唔知係真翅定假翅，味道都唔錯的e。
麻沙糍--$5—幾軟身，熱熱地，但入邊個D麻沙好似甜過頭。
燒鴨湯瀨--$10—呢個真係幾差下，先講份量，瀨粉好少，再講鴨，都係D皮+皮膏，鴨肉加加埋真係冇1舊肉，湯底好咸，疑似味精湯。
下午茶$6/位茶+$3/位酸菜(炒魚仔+花生，幾脆+新鮮)
2人，埋單$59。
呢間酒家，比我感覺服務不太好，唔知係咩人手不足呢?
食物，我叫個幾個點心來講，平均只能算是一般。
原本想比喊臉架啦，但飲下午茶，幾個點心價錢都真係幾平，唔好咁高要求啦，算ok吧。
有機會要去試下晩飯套餐先。
Post
