Macky's (Closed)

去到呢間餐廳門口時，真係覺得唔起眼好普通，但入到去D員工起碼感覺係好nice，唔會覺得想你快啲食完就走要做下轉，你知中環區個lunch係好多人，呢點要值得讚👍！而食物方面，我見大部份人都叫burger ，但可惜我怕食唔落咁大個burger，雖然都只係$78係吸引，不過最後都係選擇叫個鮮蝦黑松露意粉！中環區lunch set 有湯或沙律、意粉包一杯嘢飲$88性價比高，中環區嚟講算平。湯或沙律我選擇咗湯，什菜湯夠味，唔會覺得好似加水咁，松露意粉好香呀😋肉眼睇落去好多黑松露，食落去都真係好重黑松露味！如果中意食黒松露嘅人真係要試吓！最重要係我係支持小店！