串燒陣

Open Now

Now Closed

今日接男朋友放工，約咗食呢一間串燒，地方都幾易搵，裝修簡單舒服。呢度係用app落單嘅所以好方便，我哋兩個都肚餓所以叫咗幾多嘢食：燒韭菜呢一個燒韭菜好入味食到淡淡燒烤醬汁但又唔會比人好油膩嘅感覺錫紙燒蒜蓉花甲呢個應該係佢哋嘅招牌，分量幾大， 花甲好新鮮，啖啖肉絕對唔會有沙。蒜蓉燒大大茄子 我最愛嘅茄子，燒得超好，茄子可以拉絲出嚟，蒜畀得好多爆蒜嘅感覺我鍾意燒雞軟骨雞腎 （各3串）呢個組合好抵食，每串都係十幾蚊，雞軟骨燒得好香脆，唔會淨係得一粒骨，會有肉喺側邊，雞腎彈牙但唔會韌雞肉棒串 雞肉棒啖啖肉，肉質鮮嫩，唔錯蒜蓉燒魷魚呢個燒魷魚係最好食嘅，勁軟綿綿，輕輕咬就咬得開