食遇上海料理

Open Now

Now Closed

今日打算去濕地公園，去之前搵左間附近既上海野，餐廳位於新北江商場，現存少有非大部份連鎖餐廳既商場，老闆的熱情招待有舊時食小店既人情味。椒鹽排骨擔擔麵（$50）椒鹽排骨外皮炸得有少許香脆，有灑上少許炸蒜和蔥花，椒鹽味唔算太重，食落感覺無咩味精，有家常料理既感覺。排骨酸辣湯麵（$45）酸辣湯底酸度和辣度比例適中，有豆腐粒、木耳、冬菇片等配料，麵條質地有咬口，唔會太淋。花雕醉雞（$46）雞件食落都有雞味，有淡淡既酒香味，表面有少許杞子。上海小籠包（$32）有四隻，用傳統竹籠裝住熱辣辣上菜，小籠包外形飽滿，湯汁有一定熱度，配搭豬肉既鮮味，整體都幾好食。黑豆漿（+$8）加$8就一支容量唔少既黑豆漿，算幾實惠。