瑞榮餐室

Open Now

Now Closed

喺火炭附近有啲嘢做，搵野食行到駿洋邨，見到間茶餐廳裝修新正，夠光猛舒服就入去坐。我通常入茶記晚市都係食炒麵炒飯碟頭飯，咁先試到個穫氣夠唔夠大，味道夠唔夠正宗。一黎送2個中湯比我哋，試得出無味精，唔會太咸搶走個味。XO醬豬頸肉炒河 4/5夠乾身，唔會太油，穫氣份量足夠，豬頸肉太細條無乜咬感，炒河都9成半上到色，夠咸味，但XO醬就唔係幾出，我要另外加辣，但50蚊晚市算係咁。豆腐班腩飯 3/5班腩有驚喜，上菜時炸魚柳仲外脆內軟，豆腐有啲酸味，唔係壞，係嗰種豆腐既酸味，個汁有薑味就個人唔係幾鐘意。地理:駿洋商場入面既餐廳，主要都係街坊生意。環境:新正裝修，有電視WiFi，坐得舒服。價錢:平，50蚊晚市碟頭飯真係窮人恩物。服務:侍應好好人，我哋叫熱朱古力走糖佢突登入水吧幫我哋安排。