雷門鐵板燒放題 (Closed)

星期六晚食價錢好似都係148，價錢吸引，食物都唔錯！壽司款式比起其他同區放題比較少，但質素都幾好。火灸三文魚壽司既三文魚入口即溶，調味料都令到三文魚好香。花之戀壽司大大舊，蟹子都好多！刺身拼盤都好足料。我地ORDER 20件真係來足20件，刺身都好新鮮。大大塊！煙肉火局蠔即叫即火局，味道特別。但係蠔既大小都幾大差別，有D大大隻，有D就幾乎無。但好在呢款蠔可以任叫！炸物就有D失色，應該係一大批炸起，要幾多就俾幾多你。所以全部炸物都係凍既環境就真係麻麻，地方太細令到我地坐得好唔舒服。我地甘岩有坐正廚房對出，經常有人出出入入。。。。整體來講，呢間放題絕對食得過，希望下次會有更多款式！