好運泰國美食

Open Now

Now Closed

自從中學好友搬去黃大仙之後。最近同佢食飯都係出九龍。咁啱今日上完佢屋企玩之後。就好想食泰式食物。佢就推介我哋去呢間小店度食。呢間舖頭完全係一個唔起眼嘅地方。但我朋友相當識食，所以就相信咗佢坐低啦。首先我哋叫咗個海南雞飯，食泰式食物點可以少得海南雞飯呢。海南雞飯啲飯用咗油飯。一上枱即刻聞到飯嘅油香味。而且飯亦都做到粒粒分明。至於啲海南雞。入口非常之幼嫩。亦都食唔出雪味我哋亦都叫咗個冬陰功河。冬陰功唔會話太酸，亦都唔會話太辣。河粉夠滑。另外我哋亦都叫咗個生蝦刺生。蝦肉食落一啲都唔霉。而且食得出佢好新鮮。估唔到呢間小店會比到我哋無限嘅驚喜。