新森林焗之專門店 (Closed)

好多好多年前，我家姐帶我食過旺角花園街果間，我仲記憶猶新，因為平靚正。到後來，水準越黎越差，我就無再去食。今日咁岩係佐敦未食晏，搵一搵openrice, 結果比個機會佢睇下而家係咩水準。因為都成3點幾下午茶，我叫左個豬扒焗飯（$34）其實我麻麻地豬扒，總係覺得好乾好鞋。等左唔係好耐就上左，熱辣辣。豬扒一讚係好林唔鞋口，肥瘦適中。份量好多只係食左一半都飽，只係略嫌茄汁同芝士唔夠，淨返既飯就顯得好乾。但整體黎講，今時今日40蚊都唔使有焗飯食都算係咁。如果平日lunch可以一試。