高日本料理 (Closed)

今日同女朋友睇到雜誌以天扶良主打的十道菜色$550都覺得ok去試下，地址有D難搵不過到最後都搵到！上到去可能因為太早關系好似比我包左場咁，還境唔錯雖然無稻菊咁靚但係同女朋友談下心都ok，Bar台上放左好多日本既食材，樓面禮貌都不錯，毛巾茶水都好快咁比到我地！我地就點左雜誌所講的十個菜色，叫做季節料理餐，就好似Omakase咁set好左，因為我唔鐘意諗！師父為我們送上第一個菜色叫日本岩蠔，蠔真係好肥好有蠔味仲好大隻...之後就到魚生，魚生都好新鮮我就唔太喜歡食生冷野，最後我女朋友一個搞掂晒...跟著到清湯，清湯我覺得間間日本餐都係一樣無咩特別！之後到煮物，煮物係南瓜曼頭幾有日本feel味道不錯幾特別！到左天婦羅了，我最想試既一個還節，師父比左花竹蝦、沙追魚、帶子海膽卷、仲有個日本既菇唔知叫咩名、栗米仔，炸得很鬆化，唔會有太多油係張紙到，而且最另我驚訝係古唔到同稻菊一樣係用芝麻油，論蝦我覺得味道差唔多但係依到比較彈牙，仲有個日本菇好香我好鐘意依個味！依個價錢可以話比稻菊平好多，質素可算係不相伯仲，之後樓面送出凍蕃茄，最後係鐵板炒海螺片，螺片炒得爽而甜，跟著鐵板炒飯同鵝肝和牛肉薄燒，炒飯有好